|
Dewleta bi navê “plankirina malbatî” jinên kurda stewr dike Wek tê zanîn kurd zarokan pir çêdikin. Dewleta tirk vê ji xwe re wek serêşiyeke mezin dibîne. Wê heta nuha bi siyaseta asimilasyon û helandinê, sirkûnkirinê, kuştin û avêtina nav nexweşiyan, nekariye kurdan ji holê rake. Zêdebûna nufûsê kurdan hemû planên wan serûbinî hev dike. Lewma ev pirs tim di rojeva MGK (Şûraya Ewlekariya Mîllî). Vê carê jî bi navê “plankirina malbatî” dixwazin nufîsê kurdan kêm bikin. Li ser vê pirsê van rojana Serokatiya Herêmî ya Diyarbekirê ya Partiya Maf û Azidayan (HAK-PAR) dazaneke çapemeniyê belav kir. Tê de bala raya giştî dikişîne ser projeya dewletê ya ku stewrkirina jinên kurd wek armanc daye ber xwe. Di dazanê de bang li kes û saziyên piştevanên mafê mirovan, personalên tendurustiyê û yekitiya doktoran tê kirin ku li hember pirsê bê helwest nemînin. Di dazanê de tê behs kirin ku li Diyarbekirê li dor jimara 500î jin ji bo sterilizasyona cerahî hatine sewqkirin. Ev jinana êdî tu wextê nikarin zarokan bînin. Belê metodên plankirina malbatî li herderê dinyayê tên xebitandin, lê dewlet wê metodê li vêderê wek siyaseteke hîle û fêlbaziyê, ji bo kêmkirin û kontrolkirina nufûsê grubeke etnîkî bi kar tîne. Ev yek bivê nevê tîne bîra mirovan ku hevrikiya etnîkî bi awakî vekirî û eşkere dewam dike.
|
