Qanûna bingehî ya demî ya Iraqê hat imza kirin. Di wê de pejirandina statuya Federalî ya Kurdistana başûr, qebûlkirina resmiyeta du zimanan; erebî û kurdî, li tevaya Iraqê; parastina hêza pêşmerge, ji bo çareserkirina kêşeya kurd xalên giring in. Herweha xalekedin a gelekî giring (heta giringtir) ew e ku eger gelê kurd bi referandumekê, ji qanûna bingehî ya daimi (ku di meha 8a ya 2005an wê temam be) ne razî be, hingê betal dibe. Serokê dini yê şîîyan ayatollah Ali al-Sîstanî û dewleta tirk ji vê lihevhatinê ne razî ne. Aliyê kurd bi temamî nebe jî vê qanûnê wek gaveke pêş û erênî dipejirînin. Gelê kurd li gelek deran derket ser cade û siqaqan dilxweşî şabûna xwe da xuyakirin.