STOKHOLM-”Konferansa Gelkujîyê” ya navneteweyî ku ji alîyê hukumeta Swêdê ve li Stokholmê hatibû organîze kirin sê rojan domand. Roja dawî  (29ê cileyê paşîn) deklerasyone hevbeş ya encamê hat belavkirin. Di deklerasyonê de biryarine muşexes û berbiçav derneketin, tenê hin daxwaz û pêşniyazên giştî  pêşda hatin.  Di Konferansê de 55 dewlet di sewîya serokkomar, serokwezîr, wezîrê derve yan jî sefîrên xwe beşdarî kirin. Federasyona Komelên Kurd li Swêdê jî di gel 15 rêxistinên din yên NGO wek çawdêr hatibû vexwendin.

Serokê Federasyonê  Keya Îzol li ser navê FKKSê wek çavdêr li ”Konferansa Gelkujîyê” amade bû.

Îzol, sê rojên konferansê de di gel van şexsîyetên jêr hevdîtin kir;

Serokkomarê Timura rojhilat Xanana Gusmao, sefirên EY Pierre Richard Prosper û Edward B O Donnell, wezîrê kevn yê Fransa Dr Bernard Kouchner, proffessor Samantha Power, sefîrê Swêd li EY Jan Eliasson, wezîra Entegrasyonê Mona Sahlin, berpirsê Navenda Olof Plame Thomas Hammarberg, sefîrê Pirsa Minoritetan li YN Rolf Ekeus, sefîr ji Finland Elizabeth Rehn, serokwezîrê Ermenîstanê Andranic Margaryan, wezîra Ewrûpa ya Bulgarîstanê Meglena Kuneva, Wezîrê civakî yê Qibrisê Iacovas Keravnos, Cîgirê wezîrê derve yê Yûnanistanê Andreas Loverdos, wezîrê Diaspora yê Îsraelê Nimrod Barkan.

Serokê FKKSê roja duwem ya Konferansê de li beşa ”Dersên xeletîyan ji gelkujîyên dîrokî” de li ser pirsa kurdan, Gelkujîya Helebce, kampanya Anfal û li ser rewşa Federalîzmê dîtinê xwe pêşkeşî wê forumê kir. Serokê forumê Jan Eliasson di gotinê xwe yê dawî yê ku ji bo hemû beşdarên Konferansê, (teqrîben 1200 kes) kir pirsa kurdan anî ziman.

Herweha daxuyanîyek (ingilizî û swêdî) li ser pirsa kurdan li Konferansê hate belvkirin.