Mesûd Brazanî di hevpeyvîna rojnama Washington Post de

Mesûd Brazanî: ”Eger Federasyona cografî û siyasî neyê qebûlkirin û erebên ku ji alî Saddam ve li Kurdistanê hatine bi cî kirin, paşda neyên şandin em  qanûna hukumeta navendî îmza nakin.”

Serokê PDK (Partiya Demokrata Kurdistan), di roja duşemê (19/01/04) di hevpeyvîneke bi rojnama Washington Post re da xuyakirin ku, kurd ji Amerîkayê garantiya Federasyoneke cografî û netewî dixwazin.

Barzanî got: ”Kurd nikarin çavê xwe ji wê neheqiyê re bigrin ku bi sedhezaran kurd ji cî û warên xwe hatine dûrxistin, şûna wan da ereb hatine bi cîkirin. Em nikarin 10-15 salên din jî sebir bikin. Barzanî herwisa got ku ew hêvîdar in ku Amêrîka guh bide daxwazên kurdan ên heqane, û xeletiyên berê neyên dubarekirin.”