Kurdan li Atîna Komara Mahabadê bi bîr anîn

Mîna her sal, îsal dîsa, hêzên welatparêz bi hevra 58 saliya damezrandina Komara Mahabat a Kurdistan piroz kir. Li  roja17-01-2004,  li bajarê Atina, bi şeveke rêk û pêk ,ev bûyera mezin hat bîranin.

Di şevê da 500 kes beşdar bûn. Ev hejmareke gelek mezin e bo paytextê Yewnan.  Piraniya Kurdên ku li vî bajêrî dijin, di şevê de beşdar bûn. Kurd, bi serbilindî  piştî ewqas salan, Komara Mahabad diparêzin riya teslimiyetê ku ji İmrali destpê dike najon. Di riya azadiyê da dimeşin, dîroka xwe, û Kurdistana azad diparêzin.

Şev bi Ey Reqib dest pê kir. Dûvre axaftinek bi kurdî û yewnanî  li ser bûyera Mahabad û her çar beşên Kurdistanê hat xwendin. Şeva bîranin ji hêla şeş partî  ( PSK, PDK-İran.YNK, PDK-Iraq, PDK Bakûr, YEKİTİ-S) û Komela xwendevanên Kurd hat amade kirin. Dengbêj Ciwan ji hêla Agirî û Koma niştiman bi bernameyeke çandî dilê mêvanan şa kir. Şev bi serfirazî derbas bû. Kurd û hêzên kurda bêtir nêzikî hevudu bûn.

Dema Nû / Atina