Serokê Kurdistana Federe Mesûd Barzanî
û serokê Amerîkayê Bush hevdu dîtin

Herdu serokan piþtî hevdudîtinê di civînek çapmeniyê de qisekirin.

Serokê Kurdistana Federe Mesûd Barzanî û Serokê DYE Bush roja sêşemê li Koşka Sipî hevdu dîtin. Herdu serokan piştî hevdudîtinê civîneke çapemeniyê de jî qise kirin.

Mesûd Barzanî di vê dîdarê de bi cilubergên kurdî û bi axaftina zimanê kurdî du sembolên kurdî yên netewî derket pêşberî gelê Amerîkayê. Serok Bush jî îşaret bi cil û bergên kurdî kir û ji serok Mesûd Barzanî re peyva “President” bi kar anî.

Barzanî jî di axaftina xwe de, spasîyên xwe û gelê Kurdistanê pêşkêşî Bush kir ji bo serweriya wî ya bi cesaret di şerê dijî Iraqê de. Barzanî herweha ji hemû jin û mêrên xas yên ku bi wêrekî li dijî rejima dîktatorekî zalim canê xwe feda kirine sipasîyên xwe pêşkêşî kir û ji malbatên eskerên amerîkî re yên ki di şerê Iraqê de hatine kuştin serxweşî xwest. Barzanî di axaftina xwe de got "Eger em di armanca xwe de paşve gavan bavêjin, û bi biryar nebin, terorîst wê xwe bigihînin heta ber deriyê me û deriyê we jî û li dijî me şer bikin. Lewma divê em bilî serkevtinê iştekî din nefikirin. Di bin serokatiya we de, bi alîkariya ordiya Amerîkayê û gelê Amerîkayê, pêşmergeyê qehreman, gelê Iraqê biştî û gelê Kurdistanê bi taybetî, qet şika min tune ku di dawiyê de emê bi serkevin."
Dîdarên resmî yên serokê Kurdistana Federe di gel serwerên hukumeta Amerîka û endamên Kongreya Amerîka wê dewam bike. Piştî gera Amerîkayê Barzanî wê bi heyeta xwe ve derbasî Ingilîstanê bibe.