Serokê Kitêbxaneya Kurdî
Nedîm Dagdevîren wefat kir

STOKHOLM-03-03/2007- Serokê Kitêbxaneya Kurdî ya Stokholmê Nedîm Dagdevîrenê ku demek e ji ber nexweşiya kanserê dihat derman kirin îro li Stokholmê wefat kir. Nedîm Dagdevîren di damezrandin û rêvebirina kitêbxaneya kurdî de xwedî ked û xizmeteke berbiçav bû. Kitêbxaneya kurdî ya ku di sala 1996-a de hate damezrandin, wek navendeke dokumentasyonê, heta nuha bi hezaran pirtûkên bi zimanê kurdî û yên li ser kurdan kom kirine. Ew li Stokholmê bûye dezgeyekî çanda kurdî yê giring. Nedîm Dagdevîren wek damezrêner û berpirsê pirtûkxaneya kurdî di nav kurdên Swêdê de û herweha di nav derdorên kulturî yên swêdî de jî kesekî naskirî bû.

Wefata Nedîm Dagdevîren di nav kurdan de bû ciyê xemginiyeke mezin. Bila serê malbata wî, dost û hevalênn wî û gelê kurd sax be.