STOCKHOLM- 16/05/2004- Federasyona Komeleyên Kurdistan li Swêdê, Komcivîna xwe ya 21min di rojên 15-16ê gulanê de çêkir. Bi beşdariya 183 nûnerên komeleyên kurd yên li çaraliyê Swêdê komcivîneke serkevtî hat derbaskirin.
Roja pêşin, piştî axaftina serokê Federasyonê Keya Îzol, mêvanên komcivînê qisekirin.Mesajên piştgirîyê hatin xwendin. Li ser navê hukumeta Swêdê wezîrê tendurustiyê Morgan Johansson beşdarbû û axaftinek kir.
Johansson di axaftina xwe de weha got: "Niha li vir çavê min bi posterekê Anna Lîndh (wezîra derva ya Swêd ya ku par hat kuştin) ket. Mirina Anna Lindh ne tenê ji bo Partiya Sosyal Demokratan, hukumet û gelê Swêd, lê ji ji bo gelê kurd jî bi taybetî zirar û ziyaneke mezin bû. Ew dosteke kurdan ya ji dil bû. Lê êdî dostên kurdan yên rasteqîn gelek in, xilaz nabin"
Johansson ku demek berî niha çûbû Kurdistana Başûr, li ser gera xwe û tiştên dîtî qise kir.Wî bi pesin behsa tecruba kurdan ya avakirina demokrasiyê kir û got: "Em hêvîdar in ku hûn ê bi zanîn û karîna xwe, ji bo avakirina demokrasiyê alikariya tevaya iraqê bikin".
Ji partiyên swêdî yên din jî nûner beşdarbûn û piştgiriya xwe dan komcivînê. Cîgira serokê Partiya Çep Ulla Hoffman, ji Partiya Gel (fp) Erik Ullenhag, ji SIOS Panos Oulis, Nûnerê Hukumeta Kurdistanê Taha Berwarî, li ser navê Komîteya HEVKARÎ M.E. Reşîdî û li ser navê Platforma Kurdên Ewropayê E. Alacabey jî axifîn.

Du rojan li ser kar û barên Federasyonê hat qisekirin, biryar hatin girtin. Organên nû hatin hilbijartin. Kesên ku ji bo Komîteya Karger û Komîteya Giştî hatin hilbijartin ev in: