Li Stockholmê:
61-saliya Komara Kurdistan hat pîrozkirin

STOCKHOLM-13.01/2007 Weke hersal KOMÎTA HEVKARÎ bi amadekariya Partîya Demokrata Kurdistana Îranê salvergera roja demezrandina Komara Kurdistanê, 2-ê rêbendanê bi ahengeke mezin pîroz kir. Bi hezaran Kurdên Swêdê, li paytext Swêd Stockholmê, di şahiya salvegera 61-emîn ya damezrandina Komara Kurdistanê (Mehabad) civîyan. Di şevê da Bernameke siyasî û kulturî ya zengîn hat pêşkêşkirin.

Piştî xwendina sirûrada netewî "Ey reqîb" û rawestina bo rêzgirtina şehîdan, gotarên PDK-îran, HEVKARÎ, Buroya Hukumeta Herêma Kurdistanê, Federasyona Komeleyên Kurdistan û nûnerên partiyên siyasî yên swêdî û yên din hatin pêşkeşkirin. Di hemû gotaran da piştgiriya kurdên hemû beşên Kurdistanê ji bo Kurdistana Başûr wek pêwîstiyeke giring, erkekî netewî hat destnîşan kirin. Herweha gelek gotarbêjan bal kişandin ser pêwîstiya yekitî û yekdengiya îradeya siyasî ya kurdan, xasima di sala 2007an da ku pirsa Kerkûkê wek pirseke sereke û giring di rojevê da ye.

Di navbera gotarxwendinan da, ciwanên PDK-Îran dîlanên kurdî pêşkêş kirin. Piştî axaftinên siyasî, hunermendên navdar wek Necmeddîn Xulamî, Qadir Elyasî, Narîn û Chopî bernameye hunerî pêşkêş kirin. Kurdên ji herçar parçên Kurdistanê bi hevra û bi layîqî ev roja netewî û dîrokî pîroz kirin.