Newroza 2007 a bi şahiyeke mezin hat pîrozkirin

STOCKHOLM-17-03/2007- Bi hezaran kurdên Stockholmê û derdorê wê îsal dîsa Newroza xwe bi hevre pîroz kirin. Şahiya Newrozê, ku ji alî Federasyona Komeleyên Kurdistan hat amadekirin, bi rawestina rêzgirtinê ji bo şehîdan destpê kir û bi xwendina gotarên siyasî û silavnameyên pîrozbahiyê dewam kir. Piştî gotara li ser navê Federasyonê ku ji alî seroka Federasyonê Şermîn Bozarslanê ve hat xwendin, nûnerê Komîta Hevkarî ya Hêzên Siyasî û nûnerên Partiyên siyasî yên swêdî gotar xwendin û piştgiriya xwe nîşdan.

Hunermendê kurd ê mezin û hezkirî Şivan Perwer, Qaderê Elyasî, Narîn, Aras û hunermendê hîp_hopa kurdî Riza Iam bernameyeke muzîk ya xweş pêşkêşî gudarên xwe kirin. Îsal tiştekî balkêş bû ku bi jimareke mezin ciwan tevli şahiyê bûbûn.

		KOMKAR-Swêdê wek her sal bi pirtûkên kurdî, alayên Kurdistanê û CDyën muzîkê reng da şahiya Newrozê...