Di Pêşangeha Pirtûkên Kurdî ya 7:emîn da

Cegerxwîn hat bîranîn

15.12.2003 Stokholm

Di rojên 13-14 yê Çileyê Pêşîn da Pêşangeha Pirtûkên Kurdî çêbû û roja duwemîn ya Pêşangehê da Cegerxwîn hat bîranîn. Li ser jiyan û xebata Cegerxwîn hat qisekirin û filmeke video hat nîşandan.

Roja yekemîn da jî semînerek li ser rexneya edebî di zimanê kurdî da ji aliyê Haşim Ahmedzade hat pêşkêşkirin. Mixabin di herdu rojan da jî beşdarî li gor salên berê kêmtir bû. Wek tê zanîn ji sala 1996-a pêda Pêşangeha Pirtûkên Kurdî her sal di meha 12 a de ji aliyê kovar û weşanxeneyên kurdî ve tê vekirin û êdî bûye tradisyoneke kurdên Stokholmê. Li gor Komîteya amadekar sedemekî sereke ji bo kêmbûna beşdariya xwendevanan ew e ku komîteyê dereng dest bi belavkirina agahdariya pêşangehê kirîye. Ew hêvî dikin ku vê kêmasiyê di sala pêşda nekin.