27/04/2003

Kurdên li Stokholmê hilweşandina sazûmana dîktatorî ya Saddam û rizgarkirina çend bajarên Kurdistanê yên başûr, Kerkûk, Xanekîn, Mûsil û yên dinê bi destê hêzên pêşmergeyên Kurd, bi şahîyeke mezin pîroz kirin. Roja 26ê Nîsanê li meydana nav bajêr Sergelstorgê bi qasî 2000 kurd li hev kom bûn û bi reqs û muzîk şabûna xwe anîn der. Meydana SERGELSTORG ku bîst salên dawîn da ji bo Kurdan salê çend caran dibû meydana xwepêşandinên li dijî zilm û zordestiya ser gelê kurd (wek qetliama Helebcê û.h.w.d.) vê care bû meydana pîrozkirina pêşketin û serfiraziyeke dîrokî.

Xwepêşandanê bi axaftineke kurt ya serokê Federasyona Komeleyên Kurdistan Keya Îzol dest pê kir, dûra şahiyê b i muzîk û govendê bi saetan domand.
Komîteya Hevbeş ya ku wek komîteyeke krîzê ji bo piştgiriya Kurdistana başûr hatiye sazkirin, vê carê xwepêşandaneke şahî û kêfweşiyê organîzekiribû. wekî tê zanîn Komîteya Hevbeş, ji nûnerên Komîta Hevkarîya Hêzên Siyasî yên Kurd û Kurdistanî, Federasyona Komeleyên Kurdistanê, Platforma Kurdên Ewropa, Yekitîya Jinan, Yekitiya Ciwanan pêktê. Şahiya pirozkirinê b i serfirazî derbas bû.