REFERANDÛM:

Li Londonê jî xwepêşandaneke mezin hat çêkirin

Roja şemiyê ji bo Referandûma Kurdistana başûr li Londonê jî xwepêşandaneke mezin hat çêkirin. Bi qasî pênchezar kes beşdarî xwepêşandanê bûn. Rêxistin û saziyên ji çar beşên Kurdistanê piştgirî dan çalakiyê. Sloganên wek"Bijî kurd û Kurdistan" "Independent Kurdistan", "Long Live Kuristan" hatin bangkirin. Xwepêşandanê di saet 12.00'a de li ber avahiya serokwezîr destpêkir. Komîteya Referandîmê nameyeke xwe gihandin serokwezîr Tony Blair. Bi slogan û sirûdên neteweyî û bi reqs û govendê li Trafalgar Square kurdan coşeke mezin nîşandan. Dûra ji Komîteya Referandumê Azad Saqizî gotarek xwend. Azad Saqizî di axaftina xwe da dîyar kir ku heta nuha sê mîlyon îmze hatine berhevkirin, û ew dixwazin gelê kurd bi riya referandûmekê li ser çarenûsa xwe biryar bide û hemû hêzên neteweyî û yên navneteweyî rêz li biryara encama referandûmê bigrin.