Êvarek

Di êvarek ji êvarên welat de,
dilê xortek gundî, xwe ber bi dilê keçek bajarî avît.
Li ser vê, du dil bûn xwedîyê bedenek.
Paşê, êşek ji dîroka evînên bedew derket, hat bû xemla pêsîra herd bedena;
bû agirê hundurê herdu dila,
hat pêgirt,
hat vêket,
hat vejand,
niha
dikelîne…
Bi vî re, ji nişkê ve, du gazîyên xurt, yên wek stranên dengbêjên kevneşop, deng dan ji êvarê,
êvar bû hêvî
êvar bûu miraz,
êvar bû destpêk.
û nêrînên ku hevxwez bûn, çevê xwe ji hev revandin.
Lê yekî, bêyî ku lê binhêre, yê din didît, heye ku dihate dîtin jî…
Êdî dilopek ji dilopên êşên eşqê, ji dîroka evînan pekyabû û dixwest bibe cîhgirê hundurê dilê wan.
Ji ber ku dê bibûya mînak, ji çîrokên nujen re…

Nedayîn

Divê dengê min bigîhêje te niha.
Dengê lorînên dilê min;
strana bibêje ji te re, klama…
yên eşqê, evînê…
Tu bibîhîzî.
Li cem hevalên xwe bî,
li cem "yar"ên xwe.
Çavên te tijî bibe, bi hêsîra.
Hêsîrên ku ji çavê te dertên,
tên li ser sûret dikişin,
dirijin,
niqutî nav erdê dibin.
Erd li min dinhêrin,
Ji min jî dixwazin,
Ku tev li yên te bikin.
Lê ez nadim, nadim.