BI YADA IDRIS BERZANÎ
Îro 34. salyada nemîr Idris BERZANÎ ye. Bi rêz û ihtirameke mezin ez nemir Idris Berzanî yad dikim.
Bi rehmet bî Idris BERZANI di sala 1944’an de, li Basûrê Kurdistanê, gundê Berzan hatîye dinyayê. Pistî têkçûna Komara Mahabadê di sala 1947’an de, di 3 salîya temenê xwe de; bi babê xwe, serokê mezin Mela Mistefa Berzanî re çû Rûsyayê. Di vê mesa Rusyayê de ji 500 pesmergeyan pêsmergeyê herî biçûk Idris BERZANI bu. Ev dûrketina wî a pêsin bu û 11 sal ajot, di sala 1958’an de hisreta Kurdistanê kûta bu û di gel babê xwe Mela Mistefa careke din vegerîya Kurdistanê.
Idris Berzanî, di rêya yekrêzîya hêzên Kurd de, gelek xebateke hêja kir. Yekem car bi Mam Celal û Dr. Mehmûd Osman re têkilîyên hevkarîyê danî û ev hewildana wî bu binyatek mayînde di damezrandina Cepheya Kurdistanî de. Bêgûman ku Cepheya Kurdistanî, li basûr; bu zamîn û temîna avakirina statûyeke sîyasî ji bo gelê me yê Basûr. Miletê Kurd bi destxistina desthilatên netewîyên Kurdistanê de,minetdarê Mela Mistefayê nemir û Idris Berzanîyê gorbehist e.
Idris BERZANI yek ji gernas û pakrewanê Sorisa Êylûnê bu. Ew di Sala 1964’an bu fermanderê pêsmergeyên Kurdistanê. Nemir Idris Berzani, sahidê 11’yê Adarê bu ku di sala 1971’an de Saddam qewil kiribu ku xweserîya Kurdistanê wê we re nas kirin, lê pistî demeke kin qûlibî bu, û hêris anîbu ser baregayê pêsmergeyên Kurdistanê.
Mam Idris, Li ser edebiyat û helbestvanîya Kurd sareza bu. Her wiha ew bi felsefe û sosyolojîyê re jî eleqedar dibu. Di jîyana xwe a sîyasî de her wek sêwirmendeke hosta her tim li kêleka Mela Mistefa bu. Pêsmergeyeke dilsoz, saireke hêja, miroveke sareza û hestîyar bu.
Idris Berzani pisti xiyaneta Saddam a di 11’yê Adarê, digel malbatê û bi hezaran pêsmergeyên Kurdistanê re berê xwe dane rojhilatê Kurdistanê û li tenist Ormîyê, navçeyê Mirgewer-Tirgewer û Dizê-Soma Biradost cîwar bun. Evcar jî dest bi serê partîzanî kiribun û doza azadîya Kurdistanê, ne dabun seknandin.
Rêzdar Idris Berzani li wir, li nêzîkê Ormîyê, li gundê SILWANA roja 31’ê Meha yekan a sala 1987 jîyana xwe ji dest da. Idris Berzani li bajarê Sino, li tenist babê xwe Mela Mistefa hate defin kirin. Pistî sala 1991’an dema ku Kurdistana basûr azad bu gora herduk nemiran, Mela Mistefa û Idris ji alîyê hikûmeta herêma Kurdistanê ve anîn basurê Kurdistanê û li Dihokê gundê Berzan vesartin.
Careke din serê malbata Berzanî, serê serokê Kurdistanê cenabê Mesûd Berzanî û serê serokê herêma Kurdistanê birêz Nêçîrvan Berzanî û hemû miletê Kurdistanê sax bi.
Idris BERZANI di soresa azadîya Kurdistanê de emegdareke gelek mezin bu.
Miletê Kurd minetdar û sipasdarê Idris Berzanîye. Lewra wê di tevgera rizgarîya Kurdistanê de, her were yad kirin.
Ruhsad be û di nav nûr û ronahîyê de razê. 31.01.2021
Latif EPÖZDEMIR
Serokê Gistîyê Partîya Maf û Azadîyan /HAK-PAR’ê
Latif Epözdemir