Brosura nasandinê ya Waqfa Riya Azadî

NAV:
Bend 1: Navê xwe WAQFA ÖZGÜRLÜK YOLU (Wakfa Riya Azadî) ye Di vê senedê fermî da jê ra tenê ‘wakf’ tê gotin.

NAVEND:
Bend 2: Navendê wakfê li Enqerê, qeza Çankayê, taxa Kultur, zuqaqa Saglik 2, 56/10 numro ye. Wakf dikare li hundur û der welat sûbeyan veke.

ARMANC:

Bend 3:

a) Wakfê ÖZGÜRLÜK YOLU (RIYA AZADÎ) berî hemûyan li welat, her usa jî li herêma me û çarkoseyê dinyayê ji bo avakirina sîstemeke demokrat, azadîxwaz û pirrengî, ji bo çareserkirina pirsgirêkan bi rêolaxên astiyane û gor dadî, ji bo xurtkirina îdareyên herêmî (wek saredarî û yên din) kar û xebat dike;

b) Alîkariya wan kesan dike ku ji ber xizanî, mensûbiyeta grûbî (cins, nijad, ol û hwd), ser, koçberiya ne bi dil, felaketên xuzayî û hwd. mexdûr bûne, birîndar yan seqet bûne, birçî û bêmal mane.

c) Ji bo parastina maf û azadiyên bingehîn kar û xebat dike.

d) Ji bo hemû kesên mexdûr, di warê perwerde, xwesî (sihet) û karên civakî da xebat dike; ji bo zarokên ku ji perwerdeya bingehîn mehrûm mane bernameyên perwerdeyî bi rêva dibe, ji bo rehabîlîtasyona wan bi aliyê rûhî û bedenî kar û xebat dike; ji bo amadekirina ciwanan ji bo kar û perwerdekirina wan mekteban vedike; karên çapemenî û wesanan dike.

Kar û xebatên wakfê:

Madde 4: Wakf, ji bo cîanîna van armancên xwe

1. Ji mexdûran ra alîkariya maddî û manewî dike;

2. Ji mexdûran ra cil, xwarin û ciyê sutarê temîn dike, her usa ji bo hewcedariyên wan ên jîyanî alîkariyên neqdî û eynî kom dike û li wan belav dike;

3. Bi taybetî li cî û warên ku krîz pêk tên, li wir alîkariya zarokan, nexwesan, koçberan, kesên teda dîtî dike û ji wan ra alîkariya dadî (huqûqî), tibbî û psîkolojîk dike;

4. Li cî û warên han û ji bo kesên hewcedar sazîyên perwerdeyî ava dike û bi destê kesên dilxwaz bi rêva dibe û alîkariya kar-xebatên han dike.

5. Ji bo hisyarkirina raya gistî kar û xebat dike; ji bo perwerdekirina zarok, xort û mezinan her texlît karê wesanî û çapemenî bi kar tîne. Bona vê yekê kampanyayan bi rêva dibe, yan jî dibe sirîkên karên han;

6. Di warê zman, dîrok û çand da kar û xebatan dike; ji bo parastina berhemên dîrokî, her usa jî bo parastin û zêdekirina berhemên çandî li ser dîrok, zman û wîje (edebiyat) kar û xebat dike; wesanxaneyan saz dike; gor armancên xwe pirtûk, kovar, rojname, bulten û brosûran diwesîne; kar û xebatên zanistî (ilmî), perwerdeyî û yên nasandinê dike;

7. Ji bo parastin û xwestirkirina dorber kar dike; xelkê di vî warî da hisyar dike;

8. Wakf, da ku gor van armancên xwe xelkê hisyar bike, di warê netewî û navnetewî da semîner û sempozyûman, konferansan, panelan, civînan, pêsbazîyên bi bedêl û bê bedêl û çalakiyan, raxistinan amade dike; fîlman, wîdeoyan, teatran û çalakiyên din bi rêva dibe, yanjî tevî çalakiyên han dibe;

9. Ji bo kar û xebatên zanistî enstîtû, akademî û seziyên han vedike, yan jî saziyên han ra dibe sirîk, bi wan ra hevkarî dike;

10. Gor armanc û karên wakfê, bi destê kesên pispor li ser babetên dîrokî, civakî, çandî û aborî lêkolînan, raporan, ankêtan dide amadekirin û wan di warê çapemenî û elektronîk da belav dike;

11. Ji bo kesên mexdûr û malbatên wan her texlît xizmeta psîkososyal, maddî û manevî, alîkariya huqûqî dike û bo van karan bi rêxistinên sîwîl û sazîyên dinê ra, ku van karan dikin, hevkarî dike.

12. Ji bo firehkirina kar-xebat û xizmetên wakfê û bo ku ev xizmet bigihîjin zêdetir kesan, ji bo pistgiriya kesên dilxwaz, ji bo komkirina alikariya maddî, kampanyayan vedike, projeyan çêdike û pistgirî dide projeyên han;

13. Ji bo navenda wakfê û sûbeyên wê û ji bo her texlît kar û xebata wê mal û milkên sabit û ne sabit dikire, wan gor armancên wakfê bi kar tîne, gor hewcedariyê difrose yan dibexsîne sazîyen ku xizmetên han bi rêva dibin;

14. Ji bo xizmeta mexdûran nexwesxaneyan ava dike, lokalan, cî û warên xwendinê, mêvanxaneyan vedike, yan jî yên heyî ra dibe sirîk;

15. Li welat û li der welat van karan bi rêva dibe û rêxistinên netewî û navnetewî yên sîwîl, saziyên fermî (yên dewletan) û ne fermî ra hevkarî dike, ku ji bo armancên bi vî rengî kar dikin;

16. Ji bo cîanîna armancên wakfê, lîjneyên xebatê, dezgeyên bazirganî (sîrketan) çêdike û kar-xebatan dike ji bo temînkirina çavkaniyên diravi;

17. Ji bo cîanîna armancên wakfê da ku çavkaniyên aborî temîn bike, her texlît navendên perwerdeyî, çandî, psîkoterapî û rehabîlîtasyonê vedike û rêva dibe, karên bazirganî dike, sazîyên han vedike, yên heyî ra dibe sirîk û ji bo van karan kadroyan perwerde dike, digihîne;

18. Bûrsa bi bedêl, yan jî bê bedêl dide xwendekaran, alîkariya ilmî dide akademîsyenan, pere dên dide wan, alîkariya wan kesan dike ku li welat yan jî li der welat kar û xebata ilmî dikin, ji bo xwendekar û akademîsyenan qurs û geran, konferansên netewî û navnetewî amade dike, yan jî alîkarîya çalakiyên han dike da ku ew zanîna xwe pêsva bibin; xwarinê dide akademîsyen û xwendekaran, memûr û xizmetkêsan, îmkanan bo wan çêdike ku ew bikaribin di warê spor û xebatên civakî da besdar bin;

19. Ji bo amadekirin û wergerandina berhemên olî, ilmî, ehlaqî, dîrokî, fikrî û edebî kar dike, di vî warî da pêsbazîyan amade dike, lêkolînan dide kirin, berhemên telîf û werger dide çapkirin, berhemên bi feyde temîn dike û bi bedêleke erzan difrose û belav dike, bo vî karî cîgehên frotin û raxistinê vedike;

20. Gor armancên wakfê hêlîna zarokan, dibistan, cimnazyûm û mektebên din vedike; ji bo perwerdekirin û têgihîstina mezinan qursên dirûn û neqsê, yên kompîtûr, qursên ji bo haziriya zanîngehê û hwd. vedike.

Özgürlük Yolu Vakfi
Kültür Mahallesi Saglik 2. Sokak 56/10
Kizilay – Ankara
Tel: 0541 544 38 06
Faks: 0312 424 11 69
E-mail: info@ozgurlukyolu.com

Dengê Kurdistan