Cigirê Serokê Gistîyê HAK-PARê Necati Bayram:Hêvîdarim ku sala nû bibe sala azadî û astîyê
Salake din jî, li dû me ma. Sala borî, bi gelek çetnahî û alozîyên welat û herêma me derbas bû.Li welat pistî demeke aram,li dû encamên hilbijartinan careke din qeyranek sîyasî destpê kir û aramî cîyê xwe da pevçûn û ser û tundayetîyê.
Di sala 2015’yan de jî, mixabin ku pirsgirekên serekeyên welat bi sêwazek astîyane nehatin çareser kirin.Li ser navê çareserkirina pirsgireka Kurd,rêyaku herdu hêzên çekbidest dane ber xwe, ne rêyek rasteqîn e.PKK tundayetî û serê çekdarî vekisand nav bajaran û dest bi serê kolanan kir.Xendeqa veda, barîqat û sengera pêk anî, tax û kolanên bajaran kir qada ser.Guh neda hewar û gazîya gelê Kurdistanê.Bi mebesta îlan kirina ‘xweser’i’ yê,herêmê xiste nav agirek dijwar.
Dewletê jî, li himber tundayetîya PKK bi tanq û top û çekên giran hêrisan bir ser tax û bajarên ku PKK têde xendeqan vedaye.Li dawîyê bi derb û zerbên bombe û çekên giran ên herdu alîyan, bajar kavil bûn, avahî hatin xwarê, gelek cî û warên dîrokî û çandî xesarê dîtin, sewitin yan jî wêran bûn.Nistecîyên navçeyên pevçûnan man di navbera agirê herdu hêzan û naçar terke dîyar bûn, mal û milkên xwe bicî histin û koçebar bûn.Gelê Kurd li benda maleke avadan, welatêkî azad bû,lê mala xwe bi ser de hate xera kirin, welat bû gola xwînê û histêrên çehvê dayîkan.
Me wekî Partîya Maf û Azadîyan her tim rageyand ku ev rê, ne rêyek raste, Ev rê malwêranîye.Lazime ser raweste û ev pêvçûn û tundayetî bisekine, serê çekdarî biqede,çek ji pêsîra sîyaset û jîyanê veqetin.Ev serê kiret û qirêj xesarek mezin dide gelê Kurd.Kesê ku welathiz bin gere nebin sedemê kawil kirin û wêran kirina mal û welatê xwe. Lewra me got ku divê PKK dev ji çekan bedre û bi rê û olax û sêwazên astîyane û demokratîk tekosîna xwe bidomîne.Her wiha dewlet jî dev jî sêwazên emîndarî û leskerî berde û rêya guftugo û veke, herdu alî bikaribin ji nûve lihev bicivin û pirsa çekê destan çareser bikin daku jîyan were ser hemdê xwe, gel ji bin bandora tirs û xofan derkeve.
Bêguman sala 2015’yan li navçe, li rojhilata navîn jî gelek dijwar derbas bû.Qeyrana Surîyê bû sedem ku qutbên nû pêk werin.Rûsya daxilê Surîyê bû. Rusya, Iran û sieyên Iraqê meyla xwe dane ser rejima zordest a Beser Esad.Di navbera Turkîye û Rûsyayê de jî,qeyranek sîyasî peyda bû, herdu dewlet jihev têkçûn.Hêzên koalîsyonê û NATO’yê jî,hevdengîyek nû çêkirin.Di nav van gengesîyên herêmê de, Hikumeta Kurd a basûrê Kurdistanê û Hikumeta merkezî a Iraqê jî rûbarê gelek pirsgirek û kêseyên sîyasî bûn.Sîyaseta herdu alîyan ji hev cûda ket.Lewra hikumeta herêma Kurdistanê ‘serxwebûn’ a Kurdistanê anî rojevê û din av gel de dide gengesî kirin da ku bîr û rayek gelemperî peyda bibe û li dawîyê dewletek serbixwe were holê.Dewleta Turk û hikumeta herêma Kurdistanê pêwendîyên xwe germtir kirin û ev pêvajoya nû ji bo mafê herduk alîyan feyde û qezencên nû bidest dixe.
Li himber van bûyer û rûdanên herêmê,hîn hêz û rêxistin dest bi bangesanên xirap û têkber kirin, dijayetîya Kurdistanek serbixwe kirin binyata siyaseta xwe.Me wek HAKPAR’ê,ji roja ewil û hetanî îro pistgirîya biryarên hikumeta herêma Kurdistanê kir û îro jî, em li ser vê yekê ne.Lazime gelê Kurd li hemû besên Kurdistanê heqê xwe yê avakirina dehatûyek azad hebe û bikaribe qedera xwe bidestê xwe kivse bike.Eger îro ev yek li basûr dewletek serbixwe hewce dibîne, lazime hemû Kurd pistevanîya vê yekê bikin. Hesta welatperwerî wiha encam dide.
Her wek ku tê zanîn roja dawî a salê, ji bo Kurdan rojek gelek giringe.Lewra ew roj, roja bîranîna sehîdên Kurdistanê ye. Em bi vê minasebetê sehîdên Kurdistanê bi sîyanet û hirmet yad dikin û li ber bîranîn û tekosîna wan a pîroz,rêz digrin.
Ez di sala taze de, hîvîdarim ku ser û pevçûn biqede, gelê Kurdistanê bigêje jîyanek ast û serfiraz û azad û demokrat. Sala nû li hemû gelên cîhanê pîroz dikim, asti, azadî û wekhevîyê ji hemû gelên bindestên cîhenê re dixwazim.
31.12.2015
NECATI BAYRAM
Cigirê Serokê Gistîyê
Partîya Maf û Azadîyan / HAK-PAR
Dengê Kurdistan
