Daxuyanîya Rêxistinên Kurdistanî li Berlin
– Êrisa dewleta Tirk û Iranê sermezar dikin!
– Divê operasyon bê rawestandin!
– PKK hinceta nede destê dewleta Tirk; çekdarên xwe ji Basûrê Kurdistanê wekisîne! Li Bakûrê Kurdistanê tevgera xwe birêva bibe!
– Divê desthilatdarîya Almanya çek û tankan nefrose Tirkîyê!
Ji bo raya gistî:
Artêsa Tirkîyê ji 15ê Hezîran 2020an operasyoneka bi navê ‘Çengê Baz’ û ji 17ê Hezîranê pê ve jî bi navê ‘Çengê Piling’, her weha artêsa Îranê jî di heman demê da li navçeyên sînor yên Basûrê Kurdistanê bi balafirên serî dest bi êrisa Herema Kurdistanê kirin. Ji ber encamên topbaranê, bi dehan însanên sîvil jîyanên xwe ji dest dan. Operasyona serbazî û topbaran û bombebaranên dewleta Tirk û Îranê li ser xaka Herêma Kurdistanê, bûye sedema tirsê li cem sivîlan û nearamiyê li navçeyên sînor.
Êrîsên herdu dewletên dagirger hîn jî berdewam in. Bi sedan gundên nêzîkê wan herêman, hatine valakirin.
Dewleta Îrane, muxalîfên xwe, dewleta Tirk jî hebûna bingêhên PKKê li Basûrê Kurdistanê ji xwe ra dikin hincet û wan hereman bombebaran dikin. Bi wan êrisan ve, him serwerîya Iraq û Herêma Kurdistanê, him jî zagon û peymanên navnetewî binpê dikin.
Li gor hin sirove û analîzên sîyasî, dewleta Tirk dixwaze bi vê êrîsê xwe ve ji Xakurkê heta Efrînê herêmeke tampon ava bike û pê ra jî -ger bikaribe- tevahiya Basûrê Kurdistanê bixe bin kontrola xwe.
Li gor agahdarîya medya Kurdî, serbazên Îraqê li derûdorên sînor yên Herêma Kurdistanê cîbicî dibin. Ev sîh sal in, ku artêsa Îraqê careka dî lingên xwe davêje ser xaka Harêma Kurdistanê û li sînor cî bi cî dibe. Divê partî û hêzên Kurdistanî li ser vê babetê bifikirin!
Dewleta Tirk, bi dehan salan e ku PKK dike sedem û êrîsê Basûrê Kurdistanê dike. Divê PKK ev hincet ji destê dewleta Tirk werbigre; hêzên xwe yên çekdar ji Basûrê Kurdistanê wekisine û tevgera xwe dijî dewleta Tirk li Bakûrê Kurdistanê birêva bibe.
Serokê Asayisê ya Netewa Yekbûyî, Christoph Heusgen, li ser êrisên Basûrê Kurdistanê daxuyanîyek belav kir. Di daxuyaniyê da tê daxwazkirin, ku divê operasyon bê rawestandin û pirs bi awayekî asitîyane bê çareserkirin.
Her weha dewleta Misrê jî êrîskarîya dewleta Tirk sermezar kir û acizîya xwe ani zimên.
Em Kurdên herçar perçeyê Kurdistanê yên li Berlin dijîn, êrisên herdu dewletên dagirker li ser axa Basurê Kurdistanê bi tundî sermezar dikin û ji bîrûrayê cîhanê, ji partî û sazî û dezgehên mafên mirovî, komel û rêxistinên sivîl daxwaz dikin, ku ne razîbûna xwe hember herdu dewletan nîsan bidin û daxwaza bi dawîanîna operasyonan bikin.
Her usa, ji Dewletên Netewa Yekbûyî û Yekitîya Ewropa daxwaz dikin, ku bi helwesteka askera dijî ser û dagîrkerîyaTirkîyê û Îranê derkevin; dijî operasyonên wan li Basûrê Kurdistanê rawestin!
Her weha ji dewleta Almanya daxwaz dikin ku bi her awayi çek û tankan nefrose Tirkîyê.
Em Kurdên Berlinê, kêfxwesîya xwe bi hewildana yekitîyek li Rojavayê Kurdistanê, di navbeyna ENKS û PYDyê didin xuyakirin û ji wan daxwaz dikin ku bi hizreke netewî û
berpirsîyarî karên xwe birêve bibin. Divê tu tistek nebe asteng, ku ev hewildana yekitîyê têk biçe. Berjewendîya netewa Kurd, ji me vê yekê daxwaz dike.
Komîta Serperestî Ya Rêxistinên Kurdistanî li Berlîn
(Partîya Demoqrata Kurdistan-Berlin, Hizbî Demoqrata Kurdistana-Îran (Berlin), Sepêla Azadî ya Kurdistan, Partî Demoqrata Kurdistan (Al Partî), KOMKAR-Yekitîya Komelên Kurdistan, KOMKAR-Berlin, SOZK, Komela Kurdên Sûrîyê li Berlin û li Brandenburg)
05.07.2020
Dengê Kurdistan
