Di Qesra Serokwezîrê Almanya da bi navê ‘Di Civata Koçberan da Tendurîstî û Çavderî’ civînek pêkhat
Berlîn: Di Qesra Serokwezîrê Almanya da bi navê ‘Di Civata Koçberan da Tendurîstî û Çavderî’ civînek pêkhat
– Di besa tendurîstîyê da mafê wekhevîyê ji bo koçberan!
– Di besa tendurîstî û pêwendîyê da bi zimanê Kurdî xizmet û kesên zimanzan!
Dema Nû-Berlîn
Di roja 03.03.2015an da, li ser wexwandina Wezîrê Mîgrasyon, Entegrasyon û Penaberan ya Hukumeta Federal, Aydan Özoguz, li Qesra Serokwezîrê Almanya, bi navê ‘Di Civata Koçberan da Tendurîstî û Çavderî’ civînek pêkhat.
Çend rêxistinên Kurdîstanî jî di civînê da besdar bûn: Wek mînak, KOMKAR-Almanya, Komela Bijîskên Kurdîstan, KGD û Navend. Bi navê Navenda KOMKAR-Almanya, Serokê Gistî ya Rohat Geran besdar bû.
Wezîr Aydan Özoguz di axiftina xwe da usa got:
‘ Bê guman mafên wekhev di jîyana bi hevra da, bi civata koçberîyê pêktê. Di vê babetê da, besa tendurîstîyê jî divê erkên xwe bicîh bîne. Armanc û hedefa me ew e, ku ji kîjan netewê dibe bile bibe, hemû kes xwedî sansê wekhev bibin, da ku bikaribin besdarê civatê bibin. Tendurîstî tisteke girîng e û divê mafê her kesî hebe ku jê sûdê werbigre. Bi daxawa, li Elmanya hemû însan bi her awayî û bi pîvaneke standart ji vê sûdê nagrin. Di besa tendurîstî û çavderîyê da insanên koçber ew mafkêmtir bikartînin, ku mafê wan yê rewa ye.
Iro, li Elmanyayê hejmara koçberên ji 64 salî mezintir, gihîstîye 1,6 mîlyonê. Wê ew hejmar zêdetir bibe û bighîje 2,8 mîlyonî. Nivsa yekemîn ya koçberan, îro gihîstîye teqawîtîyê. Divê ew, sudê ji besa tendurîstî û çavderîyê bigrin.
Berî her tistî, pêdiwîya însanên bi umir mezin, bi bawerîye derûdoran hebe. Wek mînak, hînbûna xwarinê, an jî bawerîya olî, pêwîst e bê hesêb kirin. Nexwesîya bîrçûnê, roj bi roj di nav însanên koçber da pirtir dibe. Divê em jê ra hazirî bikin.
Her weha di besa tibbî û çavderîyê da jî pêdîwîya me bi însanên sareza heye. Divê însanên genc, di vê babetê da bên perwerdekirinê. Ewana dikarin besa tendurîstî û çavderîyê da roleke mezin bileyîzin. Zanebûna pirzimanî, roleke girîng e. Em hewcedarîya însanên koçber in.
Divê em, di besa tendurîstîyê da ji bo penaber û bîyanîyan ra jî çareserîyek bibînin. Hamburg û Bremen di vê besê da gaven pir girîng avetin. Penaber û bîyanî bi karteke sihhî (Chîpkarte) dikarin bê problem biçin seredanîya bijîskan bikin. Ezê hewl bidim, ku li seranserê Elmanya ev kar bicîh bibe.’
Cara yekemîn bû, ku Hukumeta Elmanya ya Federal civîneke usa pêkanîbû û rêxistinên Kurdistanî jî hatibûn vewxendinê.
Civîn bi her awayî serketî bû.
Dengê Kurdistan
