DINYA QAY HEND HERAYA
Çi dinyaya zaf heraya
Dest, kuêy, aw û hewaya
Rengê gulan di xemilîyeya
Semêd gelan pîyerûn pîyaya
Na dinyaya ruesna delal
Herkes bû wayêr milk û mal
Ez tira dûr menda bîya bîehal
Ruej û sow ya mi rî bîya xeyal
Na dinya zaf sîrina
Bîya hesretê zerrê mina
Na hesret ra ez dûr menda
Bîya xerîb û bîekes menda
Çimon xwi ak xwir bon sar ra
Sar sû asm ser, ti yên çara
Pîyerû yowben birayê ra
Xwi azadkên na bindestê ra
Zuardaron zaf zulim kerdû
Kam awi qom ko bindest mendû
Cuyayis dinya ra awi dûr mendû
Yinir heyat bû kul û derdû
Çi qeder sîyawo marî vêjîyawû
Heyat tayin kêyf û sawû
Ruêj bindeston tim tarîwû
Ruesnayê nîe, tarî bû qedêr mawû
Çira ameya ko ez na dinya
Dinya kerda gualê guêyna
Bindeston ser di yin adir varna
Guêynê însan ruesên pera
Pûl û peran ra xedarî
Heq nivînên çim kêrd tarî
Bîyayê dinya pîyerû bûrî
Tayn vînên honc bîe qusûrî
Na dinya bîe qusûra
Semêd gelan rehmet û nûra
Mehrûm menda nûr Hûmay ra
Zuardaran diya berda werda
Sarri berzkên xwi nas bikên
Pîyerû yowbên zaf ver suêrên
Inî zaliman welat ra fetelnên
Gêl xedaran risîya bikên
Kam awi kes ko xwi nas mekir
Dem û dewranan sêyr mekir
Xwir bon sar ra îbret mêgîr
Wa ina dinya ra ro suer xwi pê sekir
Ez Simkoyê Sercanija
Sarû pîyerû pêy xwi vêjîya
Aw zî amîn ra bîya mica
Sarri berzkên ruej ma rî vêjîya
Wendox zon ma yê delal, ina helbest ‘ sîîr a cuarîn yê rehmetî pî mi Îsmaîl Aydin a û semêd wendisa ez sima rî pêskês kena. Heyanê rayna wes û war bimanên.
Suphi Aydin