Ez xo rê, a kilame vajî
Her çî, xerepîyo!
Herb xerepîyo, sîyaset xerepîyo!
Herb; pê beran de, kewto destê kaykerdoxan. Domanê sarê ma, canê xo danê, la dime ra, pê beran de, kaykerdoxî pîya qerar gênê; ‘vanê endî bes o’!
Herb vindeno!
Reyêna pê beran de, seba hesabanê qijkekan plan virazenê, reyêna herb!
Reyêna domanê sarê ma mirenê!
Seba çi?
Seba entegrasyonî!
Herb; çîyo ke sima pê kay kenê, nîyo!
Herb; seba ke ‘vateyê Hesen û Husênî bibo’ nîyo.
Xêylî waxto ke ezo belengaz vana ke; seba entegrasyonî qet hewca nîyo mordem bimiro.
Xêylî waxto ez vana ke; herb; sey Kürdistanê Basurî, sey pesmergeyan, sey serekê pêsmergeyano ke ebe înan pîya cefa anceno, ebe înan mewzîyan der o, seba dewlet bîyena Kurdistanî yo.
Ez, sima ra reyêna fikrê xo, zelal û kilmek vajî; Qebul kenê-nêkenê, sima zanenê;
HETA KE VATE Û SERREKÎYA OCALANÎ DE NÊVECÎYA, PKK SERKEWTE NÊBENO.
Seba ke ez nê fikrî der a, sebebî zaf ê.
Kesê ke bê verhukim wanenê, vênenê, na rastîya zelale zanenê.
Kesê ke xora verhukim ê, ne herbî fam kenê, ne hastîye, ne zî planê Dewleta Tirkî.
Murad karayilan yew roportajê xo de vano ke; MA SEBA KE GERÎLAYAN TEPYA ANT, SAFÎYE, SASÎYE KERD’.
Tew! sodirê to bixêyr bo!
Sima heta ke vateyê Ocalanî bikerê, ‘na safîye, na sasîye zaf kenê, keko!
Ocalan çi wazeno?
Sima ke mi ra pers bikerê; Ocalan tenya wesîya xo wazeno!
No fikrê mi sima ra ecêb o, ez zanena. La se bikerî ke gorê mi ‘rastîya tuje’, nîya yo.
Wa xwezila ez sas bîyêne, xwezila fikrê mi xelet bîyêne.
Xwezila Ocalan tenya wesîya xo ney, dewlet bîyena Kurdistanî biwastêne, wa ‘mi xo bixapnênê’!
Ez naye wazena. Wazena ke fikrê mi sas bo.
Dewleta Tirkî çi waxt ke canê xo wast, Ocalanî seba menfaatê xo, dano qisey kerdene.
Se ke heta nika 15 serrî yo ke kerd, dewam keno. 15 panç serrî, ebe ‘çilo-pilo’ nîya vîyart.
Ewro, çîyo ke bi mane yo, çîyo ke zelal o, Kurdistanê Basurî yo ke ver bi dewlet bîyene sono.
Omidê mi, ewro no wo.
Endî sima û fikrê xo, sima û bi keyfê xo.
La zerreyê mi vêseno. Domanê sarê ma mirenê.
Kamî gosdarîya mi kenê ke?
Xemê kamî yo kez ez nînan vana?
Medyayê mi, teelvîzyonê mi, îmkanê mi çîn o.
Tenya fikrê mi esto.
De ez nika, ebe nê halî, xo rê a kilkame vajî;
‘Lawikê Metînê’
Karabetê Xaco vano. Vengê bilure, mi rê bes o. Sima ke wazenê bicerebnê, gosdar bê.
https://www.youtube.com/watch?v=V6FiT7yzvtQ
Ilhami Sertkaya