Nûçe

HAK-PAR: ”YEKITIYA NETEWEYÎ BI HÊZÊN NETEWEYÎ RE MUMKUN E’

Demeke ku ji alîyê karwanên HDPê ve li ser ‘Yekîtiya Neteweyî ‘bangawazî têne kirin. Karwanên HDPê li gel çend pêro û rêzikên ‘kursîperwer’ di nav milletê kurd de, dest bi bangasanek bêpayan kirine ku goya ew li du avakirina ‘yekîtiya neteweyî’ ne.

Bêguman ‘yekîtiya neteweyî’ bi hevkariya hêz û aliyên neteweyî, bi kes û kesayet û rayedarên nistimanperwer û neteweyî pêk tê. Ew kom û karwanên ku ji roja 5ê mehê li Amedê bi dawuyaniyek ragihandine ku ew ê ‘yekîtiya neteweyî’ pêk bînin; piraniya wan hêzên ku bernameya wan ne neteweyî ne.

Ew rêxistinên bi ser HDPê ango xwegirtên HDP; dibêjin ku ’em ne rêxistinên kurdewar in.’ HDP dibêje ‘Ez Partiyeke Tirkiyeyî me’, ‘Ez parêzgerê unîteryayê me’, ‘Ez ne partiya kurda me’, ‘Ez parêzgerê welat û al û dewletek yekîne’ me.

Lê balkês e ku heman HDP dema ku ji aliyê siyasetê ve dikeve tengasiyê; kopalê ‘kurdayetiyê dide destê xwe û her wekî ku ew partiyek kurdewar be, tevdigere. HDP vê yekê ji xwe re kiriye adet. HDP û pistevanên wê, bêsik, di warê kiryarên ferasetê de, hosta ne. Ew bi hostayî feraseta gel xera dikin û ava dikin.

Hinek rêxistin û komikên din jî henin ku dengê defa HDPê ji kîjan alî ve we re, pêre, berê xwe didin wî alî. Bi taybetî di wan demên ku pêsna hilbijartinan tê de. Ev komik, berjewendîperest û ‘kursîhez’ in. Xwe li ba HDPê sîrin dikin ku HDP endametiyek, mixtariyek yan mebusiyek bi de wan û wan bigêjîne mexseda dilan. Ew kes û kom, ku hê di nav xwe de nekarîne ‘yekîtî’ û ‘yekdengiyek’ saz bikin, çavên xwe berdane sazkirina ‘yekîtiya neteweya kurd’. Ev xeyalê wan xeyalê xam in. Ew di gola sîlo de, avjêniya masiya dikin. Tu ru û siyaneta wan di nav millet de nemaye. Hêzperestî û evîndariya wan a HDPê zu bi zu na qede. Ewân qerarê xwe daye. Ew wê her dem sergovend û destmalhejên HDPê bin. Rastiyên jiyanê dane nîsan ku, hetanî ew xwediyê xwe û vî aqilî bin; tu xêr û bereket di rêya saz kirina ‘yekîtiya neteweyî’ de ji wan nayê. Derdê wan ne serfirazi û serxwebun û azadiya kurd û kurdistanê ye.

Helbet bi hêz û kesên ku ji dil ne neteweperestin re ‘yekîtiya neteweyî’ pêk nayê.

Ev gale-gal û bangesana ku serkêsê wê HDP û tayfa HDPê ne, li ser rêya ‘yekîtiya neteweyî a jidil’ hetanî îro, astengên mezin ava kirine. Mebesta wan ne bidestxistina statuyek siyasî an azadiya kurdistanê ye.

Ev helwest renge ku amadekariya xendeqên siyasî dike.

Ya ku HDP û tayifa HDPê, û kom û kulfetên rêwengiya rêya nerewa qal dike, nikare pirsa kurd û kurdistanê çareser bike, her wiha ji bo milletê kurd statuyek peyda bike. Ew nikare di rêya bidestxistina mafên kolektif (hevpar) yên miletê kurd de, biryarên mayende bi rê ve bibe û bigêjîne armancê.

Miletê kurd rê nade van xendeqên siyasî.

Pirsa kurd û kurdistanê, pirsa heq û hiqûqê neteweyeke dorpêç kiri ye. Ev dozeke mehqûl û bisiyanet e. Heqê tu komekî nîne vê doza bi rumet, mirdar bike. Rêxistinên ku bi salan bi ‘aidiyeta neteweyî’ a miletê kurd leyîstine, bi çî rûyî derdikevin pêsberê miletê kurd û behsa ‘yekîtiya neteweyî’ dikin. Ya wan hebe tunebe ‘ reskirin û xerakirina yekîtiya hêzên nistimanperwer’e. Ew çaverêyê hilwesandina hikumeta federal a herêma basûrê kurdistanê ne. Ew çeverêyê xirakirina feraset û bîr û raya kurdayetiyê ne.

Lazime were zanîn ku ji aliyê HDPê û her wiha karwanê pêro û evîndarên HDPê ve, tu pêsniyarek di vî warî de, ji HAK-PARê re nehatêye kirin. Lewra dinya alem bas dizane ku HAK-PAR ji berê ve deriyê xwe ji van pêsniyarên pûç û vala û bêbawer û bêcidiyet re heta dawiyê qaîm girtiye.

Ji îro û pê da jî; eger ji aliyê vi karwanî ve bangek wiha we re jî, HAK-PAR bi hiç sîweyek di nav wî karwanî de, cih nagre. HAK-PAR, nabe hevalbendê nexêrxwaza.

HAK-PAR tenê di hevkariyên xêrxwaz de cih digre. Em, helwest û armanc û siyaset û rê û rêça HDP û pêroyên HDPê a di vî warî de, bawerpêker û xêrxwaz nabînin.

Lewra eskereye ku ‘yekîtiya neteweyî’ li ser asasa parastina mafên neteweyî, bi bernameyek neteweyî/kurdî û kurdistanî bilind dibe, xurt dibe.

Kes û hêzên ku pêsniyara ‘yekîtî’ an ‘tifaq’ a neteweyî dikin pês hemu tistî gereke secereya wan paqij be. Dilxwaz û dilvanên yekîtiyê lazime jidil û bawerpêkirî bin. Maf û berjewendiyên sexsê xwe û rêxistina xwe serdestê berjewendî û mafê miletê kurd nebînin.

HAK-PAR ji bo pêkanîna hevkariya hêzên nistimanperwerên rasteqîn çi lazime wê bike.

Rêya HAK-PARê, rêya xêrxwaz û reya a milletê kurd e.

07.12.2019

NIVSÎNGEHA RAGEYANDIN Û ÇAPEMENIYA
PARTIYA MAF Û AZADIYAN / HAK-PAR

Dengê Kurdistan

Back to top button