HAK-PAR: “DIVÊ PKK BI ZÛTIRÎN DEM JI BASÛRÊ KURDISTANÊ DERKEVE’

Miletê Kurd di seranserî sed sal bû, ku li benda statûyeke sîyasî bû. Xweshal in, ku Miletê Kurd pazdeh sale li Basûrê Kurdistanê desthilateke xweser bi dest xistîye û ev desthilat ji alîyê civaka navnetewî va bi fermî hate erênî kirin. Ev yek li gor destûra gistî ya dewleta federal a îraqê jî bi yasayî wek mafekî rewa hate pejirandin.

Bêguman, ev ji bo hemû Kurd û Kurdistanîyan, ji bo hemû welathizên Kurdistanê destkevtîyeke gelek giring û bi nirx e. Lewra ye, ku hikûmeta federal a herêma Kurdistanê, ji bo hemû Kurdan sikaneke pir hêja ye. Divê hemû Kurd vê destkevtîyê bas biparêzin. Bê gûman e, ku Kurdistaneke azad mafê hemû Kurdên cîhanê ye.

Hikumeta herêma Kurdistanê gelek bi xwesbînî û bi hestên bilind ên netewî heta îro, dergeyên basûrê Kurdistana azad ji bo hemû Kurdan vekirî hist. Bi rêbazeke nistimanperwer pêwendîyên birayetî bi hemû hêz û rêxistinên Kurda ra bi sêwazeke maqûl bi rêve bir. Ev dostanîya desthilatdarên rewa yê herêma Kurdistanê, hêjayî pesindarîyê ye.

Lê, mixabin ku bi salane PKK li basûrê Kurdistanê bi sêwazeke neyasayî û desthilatnenas çalakîyên nerewa û bêyasa bi rêve dibe. PKK wek hêzeke neyarê hikûmeta milli ya herêma Kurdistanê tevdigere.

PKK bêyasa, bi çekdarî di nav Kurdistana azad da karên nehiz û nelirê dimesîne.

PKK bû sedem ku dewleta Turk kisîya nav Kurdistana azad û li gelek deveran ciwar bû, sûnwarên Kurdistanê bi boneya desteserkirina teroristan bi top û bomberan, gûlebaran kir û dike jî.

PKK bi dehan gundên Kurdistanê bi darê zorê vala dike û hevwelatîyan ji malên wan derdixe. Nistecîyên gundên deverê mecbûrî koç kirine dike. PKK nahêle ku gundî vegerin ser mal û milkê xwe.

Bêsik, ev kiryarên PKK’ê xizmet û yarmetîkirina sazûmana dijber a rojhilata naverast e.

Her wiha PKK li Sengalê bi salane ku bêhiqûk û bêyasa baregahek damezrandîye, ku bi saya PKK’ê, hêzên nexêrxwazên Kurd û Kurdistanê, hewil didin hikûmeta herêmê lawaz bikin û hilwesînin, statûya federal a Kurdistanê têk bibin. Mixabin ku PKK di vê mijarê da eskere ye, ku bi hêzên bikirêgirtîyên dewleta zordest a Îranê ra hevkarîyê dike û bi miletê Kurd ra xirabîyê dike.

Helbet PKK bi van tevgeran, rêxweskarî û rênîsandarîya neyarên Kurdistanê dike. PKK neyartîya hikûmeta rewa a herêma Kurdistanê wek erkek ser milê xwe hisab dike. PKK bi vê mebestê xizmeta dijminên Kurdistanê dike. Ev yek xirabîyeke mezin e û ne qabil e, ku were qebûl kirin.

Roj bi roj xirabî û neyartîyên PKK’ê, li herêmê, zêdetir dibin. Berî çend rojan PKK li Amedîyê kemînek (mayînek) li ser rêya pêsmergeyên Kurdistanê bin ax kir, ku dema pêsmerge di rê da borîn kemîn teqîya û mixabin pesmergeyek sehîd bû û sê pêsmerge jî birîndar bûn.

PKK’ ê bi vê çalakîyê careke din da nisan, ku ew li dijî mafên rewa yên Kurd û Kurdistanê ye.

Em wek Partîya Maf û Azadîyan / HAK-PAR, bi tûndî vê kiryarê sermezar dikin. Ev yek ne welatperwerî ye. Ev yek bi miletê Kurd re îxaneteke mezin e.

HAK-PAR, pistevanê destkeftîyên netewî yên miletê Kurd e. HAK-PAR pal û pista hikûmeta rewa a Kurdistana federal e. Em van destdirêjî û êrîsan raste rast wek dijminatîya miletê Kurd dizanin. Miletê Kurd bi hîç sêweyekê vê îxanetê qebûl nake û nabexsîne.

Divê PKK bi zûtirîn dem ji Basûrê Kurdistanê vekise.

Lazime PKK dev ji yarmetî û hevkarîya di gel dijminên Kurd û Kurdistanê berde.

HAK-PAR sersaxîyê dide malbata pêsmergeyê sehîd. Em sifa xêrê ji pêsmergeyên birîndar ra dixwazin.

Em pistrast in, ku hikûmeta herêma Kurdistanê nakeve dek û dolabên noker û xûlamokên dijminan û ji metanet hismendî û hestîyarîya netewî dûr nekeve. Em bawer in, ku hêza parastina Kurdistanê di çarçeweya yasayî û hiqûka rewa ya desthilatdarîya
Kurdistanê da wê pêsî li van karên xirab û nelirê bigre.

Roj roja xwedîlêderketina azadîya Kurdistanê ye. Lazime hemû kes û hêz û rêxistinên Kurd, bi dil û can li dijî van karên neyaran yên ku li Kurdistanê têne mesandin, derkevin û destkeftîyên miletê Kurd biparêzin.
Bijî azadîya Kurdistanê, her bijî hêza fermî a parastina miletê Kurdistanê, bijîn pêsmergeyên Kurdistanê. 05.11.2020

Nivîsîngeha Ragîhandin û Çapemenîyê ya

Partîya Maf û Azadîyan / HAK-PAR

Dengê Kurdistan