Hevkarî ‘Swêd li ser kar û erkên neteweyî bangewazek belavkir

Komîteya Hevkariya Hêzên Siyasî yên Kurd û Kurdistanî li Swêd (Hevkarî-Swêd) li ser rewsa Kurdistana Basûr ya pistî referandûma 25ê îlonê bangewaziyek belavkir. Di wê da bang dike Hikûmeta Herêma Kurdistanê û hemû alîyên sîyasî û civakî; partî, rêxistin, kom û kesên nistimanperwer ku yekrêzîya siyasî ya Kurdistanê pêk bînin. Naveroka daxûyaniyê weha ye:

BANGEWAZÎ

Komîteya Hevkarîya Hêzên Sîyasî yên Kurd û Kurdistanî li Swêdê li ser rewsa Kurdistana Basûr ya ku pistî referandûma 25ê îlonê encam daye, dixwaze bi vê bangewazîyê hindek dîtin, daxwaz û tikayên xwe ragihîne Hikûmeta Herêma Kurdistanê û hemû alîyên sîyasî û civakî; partî , rêxistin, kom û kesên nistimanperwer.

Berî her tistî em careke din silavê li biryar û encamên referandûma serxwebûnê ya 25ê Îlonê dikin. Ji ber ku gelê Kurdistanê di vê referandûmê de, bi dengê % 93 îradeyeke xurt û dîrokî nîsanda. Ev destkeftîyeke gelek mezin e, divê hîç wextekê dest jê neyê berdan.

Careke dî ji bo me dîyar bû ku herçar dewletên dagirker; Tirkîye, Îran, Iraq û Surîye her wextekê dikarin dijminatîyên xwe yên dîrokî, nakokîyên xwe yên sîyasî, herêmî, aborî û mezhebî, daynin alîyekê û êrisî Kurdistanê û destkeftîyên wê bikin.

Wan ji bo ku îradeya serxwebûnxwaz a gelê me yê Basûr ku bi referandûma 25ê Îlonê beyan kiribû bisikînin, bi planeke hevbes êrîsî Kurdistanê kirin. Di encamê de Kerkûk, Xurmatû, Xaniqîn, Sengal û gelek deverên din ku ji sedî 80-90 li gel Kurdistanê deng dabûn ji nuh ve dagir kirin.

Li herêma ku di bin kontrola dewletên hevpeyman de û li ber çavên hêzên wan ên leskerî yê herêmê vê bûyer rû da. Dîyar e ku milletê me careke dî tûsî bêbextî û nedurustîya welatên Rojavayê bûn.

Bêguman berîya ku em gazinan ji dewletên hevpeyman bikin, em neyekrêzî, bêtifaqî û pirserîtîya sîyasî, îdarî, aborî û leskerî ya xwe çareser bikin. Divê Hikûmeta Kurdistanê li ser kes û grubên ku li gel îradeya gelê xwe yê Kurdistanê ya % 93 tevnegerîyan û dijberî wê helwest girtin û li ber dagirkirina welat derî vekirin, lêkolîn bike û wan derxîne ber dadgehê.

Nuha Kurdîstana Basûr bi rewsek nû re rû bi rû ye. Nirxandina vê rewsa nû, ku li Kurdîstanê rû daye, bi hemû alîyên xwe ve, bi sêweyekî ciddî, wazîfeyeke dîrokî ye ji bo her kurdekî nistimanperwer û xwedî wijdan. Em sok û travma têkçûyinê ji ser xwe bavêjin, ji bo destkeftîyên heyî biparêzin hewil bidin.

Ji bo avakirina civateke azad û aram li Kurdistanê, pûçkirina xwestinên dagirkerên Kurdistanê; em wek Hevkarîya Hêzên Sîyasî yên Kurdistanî li Swêdê, van daxwazên jêrîn ji parlamento, saredarî û encûmenên serkirdayetîyên herêmî, hêzên sîyasî, dezgehên civakî, medya Kurdistanî, hêzên asayîs û parastinê, berpirsên gel û ayînên Kurdistanê, dikin:

-Hikûmeta Herêma Kurdistanê divê tu carî referandûmê tune nehesibîne. Hikûmeta Herêma Kurdistan divê destkeftîyên gelê Kurdistanê yên di Destûra Federal a Iraqê de hatine tarîf kirin biparêze. Divê bi Bexdayê û bi Amerîka û dewletên cîhanê yên din re, bi dewletên herêmê re peywendîyên xwe ji nû ve dîzayn bike.

– Aborîya Kurdistanê ji bin tesîra hizbatîye derkeve, têkeve bin kontrola Hikûmeta Herêma Kurdistanê..

– Asayîs û parastin (pêsmerge) bibe yek û girêdayî Hikûmeta Herêma Kurdîstanê be. Ne giridayê hizb û partîyên sîyasî be.

– Hikûmeta Herêma Kurdistanê ji bo çareserîya pirsgirêkên gelê me yên aborî, civakî û îdarî tesbît bike plan û bernameyeke acîl bide ber xwe. Ji bo pêwîstîyên bingehîn yên aborî; pêsdebirina çandinîya nûjen, hilberîna endustriyê bête teswîqkirin

-Di vê dema ku Kurdistan birîndar bûye de, divê plan û stratejîyeke nû ya civakî û îdarî hebe. Parlamentoya Kurdistanê, bi pistgirîya hemû partîyên sîyasî û pêkhateyên Kurdistanê divê bi yekrêzî û yekdengî nexserêyeke nû û hevbes a nistimanî bide ber xwe.

– Divê di bin çavdêrîya Neteweyên Yekbûyî (UN) de, wêrankirin û valakirina gund û bajarên dagirkirî bête rawestin û xelkê koçberbûyî vegerin malên xwe.

-Divê rexne, pêsnîyarî û gazincên hemû partîyên Kurdistanê xwedî qîmet bên pejirandin. Hemû alîyên sîyasî xwe xwedîyê malê bibînin, ji bo demekê dest ji zimanê muxelefetkar berdin. Divê hemû partîyên Kurdistanê alîgir û pistgirên Hikûmeta Herêma Kurdistanê bin. Divê hemî pêkve li îradeya gelê xwe ya ji bo serxwebûnê xwedî derkevin.

Gelê Kurdistanê di dîroka xwe de tûsî gelek jenosîd, qetlîam, sikestin, serê navxweyî bûye. Em umîdwar in ku Basûrê welatê me wek gelek carên berê van rojên teng û dijwar li dû xwe bihêle. Rûpeleke taze li dîroka me veke, dahatîyeke bi hêvî û zexm ava bike.

Kurdistan bi hevkarî û yekbûna sîyaseta kurdan dikare bê rizgar kirin.

HEVKARÎ- Swêd
Komîteya Hevkarîya Hêzên Sîyasî yên Kurd û Kurdistanî li Swêd

Dengê Kurdistan