HÎRIS SERR CUYAPÊ

Ini rayer ra hîris serr cuyaver sîya ez,
çeher ruêj û sow pê tirêna…
Inkay sêst seat ra kêm,
pê teyareya hest seat.
Nizdîyon di ‘ Tu ‘ kuên rayêr ser
Moskova – Bakû
di seat des deqîqê waxt gen…

Ini rayer ra hîris serr cuyaver zî vîyerta ez,
honc dêyr amên vatis vagonê tirên di.
Sinîg yow desmal bîyer tadeyis wastîyê mi ra,
eyi dêyr ko vêrnî ma di sîn sê yow bayraq a.
Vagon di honc dêyr êst,
dêyr ko cuyaver vajîyeyn,
dêyr waxt xuertê minê.

Ini rayer ra hîris serr cuyaver zî vîyerta ez.
Vagonê tirên di yow kêyneka Komsomolcî bî,
çîtê sarrê yey sûr û cakêt yey zî mesîn ra bi,
deston yey yê terkcikotan di kitab Mayakovskî bi.
Honc yow kêyneka Komsomolcî ha vagonê tirên da,
yelêg yey pê qûmas naylonin ra virazîyaw,
ya Qazakîstan ra xeli çînayis ra yena,
deston yey yê terkcikotan di honc kitab Mayakovskî est.

Ini rayer ra hîris serr cuyaver zî vîyerta ez.
Vagonê tirên di vêyv wayêr derd û qul bî honc.
Virangel mîyerdê yin êst dard,
la vêyv vîyay ko gullon fasîton ra xelîsîyay çînîyebî.

Eskêr bî vagonê tiren di honc
eyî ordî sipî ko remayn bî vîrardison yin di.
La qet vîrardis yin ra çoy di
eyi kuçê Berlîn ko vêsîyayn çînîyebî…

Ini rayer ra hîris sêrr cuyaver zî vîyeta ez.
Honc bajar Harkov bi,
la tor erda nibi yow û des qat berz nibi newe ra.
Honc ona bî duarmalê ruê Don di yegay.
Sê yow cawo bîevirsnê dimdûz,
la yegayan di traktor Harkov çînîebî.
Lîman Rostov bi honc,
la awê Baltix çînîebî
lîman Rostov di.

SEMÊD AZADÎYA PÎYERDAYIS

Honc tor kitab, deyr û baraqon xwi ya amê,
sê pel bi pelê aw bî ruesnayê,
ramit yin tarîyê ser.
Mêydan zapt kêrd yin honc.

Eyi ko Beyazîd di sehîd kot bî
warist lingon ser mezelon xwi ra,
sê yow ruêj tepist yin pê destona birînê xwi
û kerd xirabi yin mexareyê Sahmaran.

Hema eya ruej nameya, arîye medên bayraqon.
Guestarê bikên, awi veng ko sima esnawên zure zurê çaqalona.
Past pîyesonên kêynê û xuêrt welat ma,
ini pîyerdayis verbo fasîzm o, semêd azadîya wo.
1962

Wendox zon ma yê delal, serr bî newî la miraz zerrê ma honc sê vêr kohan mend.Sar welat ma haw bi se serr ko verbo zulimkaron xwiverdon, la yi neskay xwi bindeston ra xelas bîk. Herb dinya yê verîn ra pê welat ma zuardaron kerd çeher letê û dest na erd ma ser. Eya ruej ra pê yin Tirkîya, Îran, Îraq û Surîya di cuyayis sar welat ma rî kerd zîndan. Îngîlîz û Fransizon ma kêrd bindêst inî çeher hemi dewleton. Tirk, Faris û Erêb bî serdest ‘ hukûmdar û Kird zî bî belengaz û perîson. Felek ma rî xirab ard, ma neskay xwi ser ra feteln kedweron. Eyî dewlêt ko welat û sar ma ser di hukûm kên nehêq, bîe edalêt, dizd û talankêr pîyerû.Se serr vîyert, la inî dewleton di zî yow dezgê edalêt û heqê peyda nibi.Bonên hal tirkon ra, îronijon ra, erebon ra yin zî yow xêr û bereket nidî cuyayis xwi ra, tinotim nîo tor cîranon xwiya herb kên nîo zî tor sar welat xwi ya. Axir se serr ra pê gon aqil bîyer sar welat ma sarri û semêd azadîyê welat xwi xwiverbid. Honc ma hêvî kên ko serra newi sar welat ma rî serfîrazê, azadî û asitî bîyar. Inî wird helbêst cuwarîn yê Nazim Hîkmet’ê û mi açarnay zazakî ser.Heyanê rayna wes û war bimanê.

Suphi Aydin