Hunermendê mezin Seîd Gebarî çû ser heqîya xwe
Hunermendê kurd ê hezkirî Seid Gebarî li Hewlêrê çavên xwe li jîyanê girtin. Wefata Seîd Gebarî di nav kurdan de bû cihê sîn û xemê. Seîd Gebarî ne tenê bi deng û awazê xwe yê xwes, lê her wisa wek hunermendekî têkoser di dilê mîlyonan de cîh girtîye.
Seîd Gebarî di sala 1956a de li bajarê Hesekê, li Kurdistana bin destê Surîyê de hatiye dinê. Di ciwanîya xwe de dest bi hunera muzîkê kirîye. Gelek helbestê Cegerxwîn û Seydayê Tîrêj wek stran xwendine. Him stranên soresgerî him jî stranên gelêrî gotine. Ew sazbendekî hosta bû. Li herderê Kurdistanê tê naskirin û hezkirin.
Seîd Gebarî dê îro li Hewlêrê bê binaxkirin.
Li ser wefata hunermend Seîd Gebarî HAK-PARê û nivîskar helbestvan Kemal Burkay jî dazanên sersaxîyê belav kirin. Kemal Burkay di rûpela xwe ya sosyalmedyayê de weha dibêje:
Gor agahiyên teze Hunermend Sait Gebarî jî li Hewlêrê çûye heqiya xwe.
Sait her usa nasekî min bû. welatparêzekî hêja û jîrek bû, li Ewrûpa û welat di gelek sahiyan da cîh girt û stranên gelêrî gotin.
Oxir be, hevalê delal.
Serê hemû kesên malbata wî û heval hogiran sax be.
4 Gulan 2020
Dengê Kurdistan
