Nivîsar

Ji çîrokên pir kurt û dirêj

Hebû tunebû dilovanî li dê û bavê min û we bû.
Hebûn ses dewlet di rojhilata navîn de, yek ji wan komara Iraqê bû.
Desthilatdariya vê dewletê zimanê dijberên xwe di Bexdada paytext de bi kêr û sûr û xinceran jêdikir.

Di eynî demê de dezgehên wê destûr dabûn, ku miletê Kurd li dibistanên Kurdistana basûr bi zimanê kurdî bixwînin û binivîsin û bipeyivin.

Dewleta dudoyan, komara Sûriyeyê bû.

Desthilatdariya wê zimanê dijberên xwe li Sama paytext bi gulavan derman dikir.

Di eynî demê de dezgehên wê destûr dabûn, ku zimanê kurdî di Kurdistana basûrê rojava de bi kêr û sûr û xinceran bibirin.
Dewleta sisêyan, komara Tirkiyeyê bû.

Desthilatdariya vê dewletê, zimanê dijberên xwe di Enqeraya paytext de bi sûseyên misk û gulavan derman dikir.

Di eynî demê de dezgehên wê destûr dabûn, ku zimanê kurdî di Kurdistana bakur de bi kêr û sûr û xinceran bibirin.

Dewleta çara, komara Îranê bû.

Desthilatdariya vê dewletê, ziman û hustê dijberên xwe di Tehrana paytext de bi darê kindirê vedikir û bi xwar de diksand û jêdikir.

Di eynî demê de dezgehên wê destûr dabûn, ku zimanê kurdî di zanîngehan de bête xwendin û li Kurdistana rojhilat navê parêzgehekê kirine ‘Kurdistan.’

Dewleta pênca û sesa, komara Ermenistan û Ezerbaycanê ne.
Desthilatdariyên van herdu dewletan, zimanê dijberên xwe bi zêravê dixemilandin.

Di eynî demê de dezgehên wê destûr dabûn, ku rojê bîst kêlîkan di izgeha Yerîvan û Bako de hinek nûçe û stran bi zimanê kurdî bêtin wesandin- û dawî bi alîkariya rêjîma Tirk û Urûs bi sed hezaran miletê kurd ji Serhed û Kurdistana sor derxistin û li nav komarên Soviyata berê belav kirin.

Çîroka min ji we re xwes û riwê dijminên me û çeteyên wan bimîne res.

Bawere-Omeri@hotmail.com

23.06.2019z ‘ 2631k

Bawerê Omerî

Balkêş e ?
Close
Back to top button