Komela Pistgirîya HAK-PAR ya Ewropa li ser rewsa Rojavayê Kurdistanê civînek amede kir

Rojeke Taybetî û civîneke Taybetî

Roja semîyê, 10.06. 2019 an da Komela Pistgirîya HAK-PAR ya Ewropa malîvanîya civîneke taybetî kir.

Rojeke taybetî bû, ji ber ku Serokê Herêma Kurdistanê sond xwar û dest bi karê xwe kir. Taybettîya here giring ew bû, ku cara pêsîn serokêk ji alîyê parlamena Kurdistanê va hatibû hilbijartinê. Em li ser navê tevaya besdarên civînê Serokê Herêma Kurdistanê berêz Nêçîrvan Idrîs Mistefa Berzanî pîroz dikin û serkeftinê ji bo wî dixwazin. Serokatîya wî li tevaya kurdan pîroz be.

Taybetîya dudan jî hema civîn xwe bû. Wek babet bi Basûrê Kurdistanê û Rojavayê Kurdistanê va bi sînorkirî bû. Besdaran li ser rewsa herdu perçên Kurdistanê nêrîn û daxwazîyên xwe gotin, daxwaza yekitîya partîyên kurdistanî ji bo herdu perçên Kurdistanê anîn ser ziman. Gelek besdaran destnîsan kirin, ku bê pêkanîna yekitîyeke tekûz, safîkirina astengî û alozîyên xwemalî partîyên kurdistanî nikarin bawerîyekê bidine Kurdan û ewropayîyan.

Di civînê da li ser rewsa Rojavayê Kurdistanê, lê belê taybetî jî li ser rewsa Efrîna dagirkirî, rewsa erebkirina wê, zulm û tedayîya ku rûnistvanên Efrînê dibe, hate sekinîn. Pêwistîya kar û xebatê, herusa alîkarî ji bo Efrînê hate binxet kirinê. Di vê dawîyê da sewitandina zevîyên gênim, risqê zar û zêçên kurdan jî hate rojevê.

Ji bo Basûrê Kurdistanê jî heman daxwazî hatin ser zimên. Rewsa deverên veqetandî, cîbicîh anîna madda 140 an, rêvebirina Kerkûk, Sengal, Xaneqîn hwd. Hate ser zimên, ku safîbûna van pirsgirêkan bi yekitiya kurdan va tê pêkanîn. Derbederên Sengalî û deverên di, rewsa erebkirina deverên veqetandî û daxwaza careserîyê hate serzimên.

Tevaya besdaran di destpêka gotarên xwe da Serok Nêçîrvan Berzanî pîroz kirin û dilxwesîya xwe eskere kirin. Heman demê da daxwazîyên xwe jî anîn ser zimên. Ji wan daxwazîyan hinek ev bûn:

– Çareserî ji bo revandîyên kurdên Ezdayî. Divê yên mayîn jî bêne azad kirinê.
– Ji bo koçberên Sengalî çareserîyek bê dîtinê, ku ew bikaribin bizivirin cîh û warên xwe, ji jîyana çadiran azad bin.
– Ji bo cîbicîh anîna yasayî (md.140) gav bêne avêtin û pêsî erebkirina wan deveran bê girtin
– Divê Serokatî guh bide hemû partîyên kurdistanî, ji herçar perçê Kurdistane.
– Di demeke kurt da pirsa Kerkukê di navbera partîyên kurdistanî da bê safîkirinê.
– Serokatî û Parlameno hewl bidin û rokê pêsta hêzên pesmergan bikin yek. Êdî artêsa Kurdistanê, pesmergê Kurdistanê hebe, ne yê partîyan. Eger kurd dixwazin bibin netewek an dewlet, divê gavên netewî bêne avêtin. Perwerda netewî bê pêkanîn.
– Wezareta Koç û Koçberîyê bê sazkirin, pirs û pirsgirêkên koçberên li diyasporayê bên safîkirin.
– Karê diplomasîyê bê xurtkirinê.
Civîna ku sê saetan zêdetir berdewam kir ji alîyê TV RUDAW va zindî hate belavkirinê. Hate pêsnîyazkirin ku ev civîna mehê carê bê mesandinê.

Komela Pistgirîya HAK-PAR ya Ewropa

Dengê Kurdistan