KOMKAR: Em yekemîn salvegera jenosîda Kurdên Êzîdî li Singalê bibîr tînin
Iroj (3.8.2014) yekemîn salvegera jenosîda Singalê ye. Ji vir salek berê, di rojeke weke îro de, rêxistina xwînmij, hov û terorîst a bi navê Devleta Islamî li Irak û Samê- DAIS li dijî Kurdên Êzîdî li Singalê jenosîdek mezin pêk anîn.
Bi hezaran Kurdên-Êzîdî ên feqîr û belengaz, ku, pirranîya wan ji mêran, zarok, pîrejin û kalemêran pêk dihat, hatin kustin û serjêkirin. Bi sed hezaran Kurdên Êzîdî ji ber wan êrîsên hovane ji cih û warên xwe koçber bûn û bûne penaber li seranserê dinyayê.
Pistî jenosîda Singalê, bi hezaran Êzîdîyên li Basîka û Bahzanê jî ketin ber xezeba DAIS’ê, dev ji cih û warên xwe qerîyan û bûne koçber.
Ji bilî Êzîdîyên ku hatin qetl kirin, rêxistina terorîst a DAIS’ê bi hezaran jî keç, jin, zarok û kalemêrên Êzîdî êsîr kirin û li gel xwe birin. Keç û jinên Êzîdî weke koleyên seksê ji xwe re bi kar anîn û ew li sûkên koleyan li Sûrîyê û li Îraqê firotin. Li gel ku heta niha bi sedan keç û jin û malbat ji destê DAIS’ê hatine rizgar kirin jî, lê hê jî bi hezaran keç û jinên Singalî weke koleyên seksê di destê DAIS’ê weke esîrên seksê mane asê. Li hêla din jî DAIS’ê serê gelek zarokên Êzîdî sûstîye, ew kirine misilman û fêrî perwerdeya sileh kirine. Heta niha gelek ji van zarokan ji bo serê xwe ê cîhadê bikar anîne û di sengerên ser de kirine qurbanî.
Ev komkujîya li dijî Kurdên Êzîdî ne komkujîya yekemîn e. Wek tê zanîn heya niha li dijî Kurdên Êzîdî bi dehan komkujî û ferman pêk hatine. Bi vê komkujîya dawîn li herêma Singalê, hejmarên komkujîyên hatîn serê Kurdên Êzîdî gihist 74’an, ango di dîrokê de heta niha Kurdên Êzîdî 74 caran rastî ferman û jenosîdan hatine.
Ev jenosîda ku li Sengalê li dijî Kurdên Êzîdî hatî kirin di di diroka mirovatîyê de wek rupelêkî res hat nivisandin.
Em di yekemin salvegera jenosîda li dijî Kurdên Êzîdî li Singalê, hemû sehîdên Singalê bi rêz bi bîr tînin.
Ruhê wan sad be.
Hêvîya me ewe ku herêma Singalê rojek berî rojekê ji destê hovên DAIS’ê bê rizgar kirin, hemû keç û jinên di destê DAIS’ê de bên rizgar kirin, bingeheke aram li Singalê bê afirandin da ku hemû xwîsk û birayên me ên Kurdên Êzîdî, ku îro bi sedhezaran li kampên pênaberan de ne li seranserê Kurdistanê, bikaribin vegerin ser cih û warên xwe û jîyaneke bi azadî û bi rûmet bimesînin.
KOMKAR
Dengê Kurdistan
