Kurdên Swêdê Roja Ala Kurdistanê li ber Parlamenta Swêdê pîroz kirin

Kurdên Swêdê îro Roja Ala Kurdistanê li ber Parlamenta Swêdê pîroz kirin. Girseyeke mezin, di nav wan da gelek jin û zarok hebûn, bi saetan di bin hewayeke sar da kombûn û alên Kurdistanê libakirin, durusmên ”Serxwebûn ji bo Kurdistan”, ”Bijî Pêsmerge”, ”Pîroz be Roja Ala Kurdistanê” gotin.

Xwepêsandan bi pêsniyaz û alîkarîya HEVKARÎ (Komîteya Hevkarîya hêzên siyasî yên Kurd û Kurdistanî li Swêd) û bi serperestiya Federasyona Komeleyên Kurdistan (FKKS) hat amadekirin. Di xwepêsandanê de bi kurdî û swêdî gotar hatin xwendin. Serokê Federasyonê Keya Izol gotarek xwend. Ciwanan govend gerandin.

Wek gelek caran vê carê jî parlamenterê swêdî, dostekî gelê kurd ê dilsoz Fredrik Malm gotarek xwend, bangî raya cîhanê û ya swêdî kir ku êdî dem kemîliye ku bibin pistgir û alîkar ji bo serxwebûna Kurdistanê. Fredrik Malm da xuyakirin ku ew bi hêvî ye ku ne demek dûr serxwebûna Kurdistana Basûr bête ragîhandin. Wî her wisa destnîsankir ku eger astengek hebe sedemê wê jî dikare ne yekbûna hêzên siyasî yên kurdan be. Wî got ku ew hêvî dike ew ê dest bidin hev û serxwebûna welatê xwe pêk bînin.

Di xwepêsandanê de gelek hevalên HAK-PARê û KOMKAR-Swêd jî bi alên Kurdistanê besdar bûn û ev roja netewî pîroz kirin.

Dengê Kurdistan