Kurdên Swêdê Xalid Xoce bi bîr anîn
Kurdên Swêdê, di roja 29ê Gulanê de welatperwerê hezkirî, endamê Komîta Pistgirîya HAK-PARê û KOMKAR-Swêdê Xalid Xoce (Ramazan Basdas) di çil rojîya wefata wî de bi bîr anîn. Bi sedan heval, hogir û hezkirîyên Xalid Xoce di civînê de amade bûn. Gelek heval û hogirên Xalid Xoce ji bajar û welatên cuda hatibûn civînê. Serok, heval û hezkirîyekî Xalid Xoce, nivîskar û siyasetmedar Kemal Burkay jî di civînê de amade bû û caraka din sersaxî da jin û zarokên Xalid Xoce.
Civîna bîranîna Xalid Xoce bi sêweyekî gelekî bi rêk û pêk hatibû amadekirin. Civîn ji alî keça Xalid Xoce a mezin Sorgulê hat vekirin. Li ser jîyan û têkosîna Xalid Xoce axaftin hatin kirin, ji jiyana Xalid Xoce gelek resim û vîdeo hatin nîsandan. Di salona bîranînê de, çîrok û serpêhatîya welatperwerekî Kurd wek Xalid Xoce gelek hestên kollektîf peyda kir; xemgînî, serbilindî, sîn û sadî bi hevre hebû.
Li ser dika salonê alayeke Kurdistanê ku ji gulên zindî hatibû çêkirin hebû. Ev ala li ser xwesteka Xalid Xoce bi xwe hatibû amadekirin.
Wek hevrê û dostekî Xalid Xoce yê nêzîk Haluk Öztürk, xwarzî û zavayê Xoce Ihsan Çaliskan, kurê Xalid Xoce Gernas axifîn û hevalekî Xalid Xoce yê salên berî cûnta eskerî ya sala 80, Abdulselam Cizîrî jî behsa rojên berê kir û Xalid Xoce bi bîr anî. PDK (Partîya Demokrata Kurdistanê) Komîteya Swêd di civînê de amade bûn mesajeke sersaxîyê pêskêsî civînê kirin.
Gotara Haluk Öztürk li ser Xalid Xoce
(Serokê KOMKAR-Swêd û endamê Komîta HAK-PAR-Swêd)
Gelî xwisk û birayên hêja!
Besdarên civîna çilrojî û bîranîna Xalid Xoce!
Silav li we hemîyan!
Silav û rêzgirtineke bi taybet li heval û bermalîya Xalid Xoce, xûska me ya hêja Bêrîvanê û hemû endamên malbata rehmeti!
Wek heval û dostekî Xalid Xoce yê nêzîk, qebûlkirina tunebûna wî îro, pistî 40 rojî jî li min zor tê!
Li me hemûyan, li hemû hezkirîyên wî, dost û hevalên wî zor tê. Lê qanûna jiyanê weha ye, hatin heye çûyîn jî heye…
Carna di qanûna jîyanê de jî, ez dibêjim neheqîyên mezin çêdibin! Koçkirina zû ya Xalid Xoce yek ji wan e. Mirineke bê wext bû.
Temenê wî ne zêde bû. Wî hela hê gelek salên din dikaribû ji malbata xwe re bavtîyê, ji dost û hevalan re hevaltiya xwe ya dilsoz û ji gelê Kurd û Kurdistana xwe re xizmet û fedakîyên mezin bidomanda.
Min Xalid Xoce cara pêsin di nîveka salên 80 de li Stockholmê naskir. Ji wê rojê heta roja koçkirina wî em bi hev re bûn. Xalid Xoce endamê Komîta Rêvebir ya Komkar-Swêdê û endamê Komîta Pistgirîya HAK-PARê bû. Ew yek ji wan kesan bû ku Komîteya Pistgirîya HAK-PARê damezrandîye. Di rojên nexwesîya xwe ya giran de jî, xwe ji xebatê dûr nedigirt.
Xalid Xoce, di xebata komelayetî û siyasî de, bi hismendî, zîrekî û fedekarîyeke bê hempa nîsan dida. Loma xwedîyê cîyekî gelek dîyar bû! Ne tenê hevalên wî yên rêxistinî, hema bêje hemû kesên welatparêz yên ku ew naskirine jê hezkirine. Ew çiqas merivekî kubar û nazik bû, ewqas jî li hember neyaran û kesên sexte hisk û bi biryar bû. Kesekî xwedî karekter bû Xalid Xoce! Bi rastî di rabûn û rûnistina xwe de jî nimûneyekî gelek hêja bû.
Em ê hertim bîra Xalid Xoceyê xwe bikin.
Ew ê di têkosîna azadîya Kurdistanê de herdem bijî!
Bila cîyê Te ronî, axa Te zêde be Xalid Xoce!
Dengê Kurdistan
