Merasîma pîrozbahiya 66emîn salvegera Komara Kurdistan

Li Hewlêrê, bi çavderiya Serokê Herêma Kurdistan Mesûd Barzanî, merasîma pîrozbahiya 66emîn salvegera Komara Kurdistan hate lidarxistin.

Dengê Azad/Hewlêr

Îro li hola Saad Ebdulahê merasîma pîrozbahiya 66emîn salvegera Komara Kurdistan li Mahabad hate lidarxistin.

Merasîma ku bi çavderiya Serokê Herêma Kurdistan Mesûd Barzanî ve hatibû lidarxistin, Serokê Herêma Kurdistan Mesûd Barzani, Serokwezîrê Herêma Kurdistan Dr. Berhem Ahmed Salih, Cîgirê Serokê Parlamentoya Kurdistanê Mihemedê Sor, Cîgirê Sekreterê Gistî yê Partiya Demokrat a Kurdistana Îranê-PDKÎ Hesen Serefî, Endamê Polîtburoya PDKÎ Mihemed Nazif Qadirî, Sekreterê Gistî yê Partiya Sosyalîst a Kurdistan-PSK Mesûd Tek, Nunerê PSKê yê li Hewlêrê Ararat Jînwar, Hevserokê Partiya Asitî û Demokrasiyê Selahaddîn Demîrtas, Hevserokên Kongreya Civaka Demokratîk Ehmed Tirk û Aysel Tugluk, Serokê Partiya Azadiya Kurdistan Elî Qazî, gelek nunerên partiyên siyasî û dîplomatên biyanî wek Konsolosê Fransayê yê li Hewlêrê Fredrick Tissot, besdar bûn.

Merasîm rêzgirtin bo pakî sehîdên Kurdistanê û xwendina sirûda netewî Ey Reqîb destpêkir.

Di merasîmê de Serokê Herêma Kurdistan Mesûd Barzanî, Serokwezîr Dr. Berhem Ahmed Salih, bi navê Serokomarê Iraqa Federal Mam Celal Parêzgarê Hewlêrê Newzad Hadî, Cîgirê Sekreterê Gistî yê PDKÎ Hesen Serefî, bi navê Encumena Nistîmanî a Kurdên Suriyê Ebdilhakîm Besar, Husên Yezdanpena û bi navê malbata sehîd Pêsewa Qazî Mihemed Elî Qazî her yek axaftinek kirin û behsa girîngiya Komara Kurdistanê di dîroka Kurd de û pêwîstiya yekîtî û hevkariya Kurdan kirin.

Di merasîmê de herwisa Grûba Awtab ya Lorîstanê bi lehçeyê Lorî kilamên xwe pêskês kirin û Grûba Govendê ya Kirmansahê jî nimûneyê govenda Kirmansahê nîsandan.

Merasîm vê êvarê jî ji bo bîranîna Komara Kurdistanê sahiyek li otela Xanzadê hatiye amadekirin.

Merasîm dê sibê jî bi lidarxistina du konferansê bi dawî bibe.

Dengê Kurdistan