NALÎN
NALÎN
Nalîn yena guêsî mi
Vêngî kamo naleno
Eya nalîna girana
Nali nalê welat a
Adir verda zerrê mi
Pîyerû pêt û dûxano
Barek wenaw millê mi
Zaf bareko girano
Xuêrtî kurdan de warzên
Gues medên ey namerdan
Kal û pîrîk ma warist
Pîyerû mêrd pê inî derdan
Dêrdî yinan giran bî
Çira ma zî sera non
Nîe sê bayk û biran bî
Yar xwi dest ra veraday
Xemlîyaya seraser
Ez wastîyê xuertona
Qelem sûra û gewher
Kurdîstan’ê kurdana
Gerden sûr û zera
Ez hêvîyê merdana
Bîe top û bîe lesker
Sima ez ca verdaya
Kurdîstan’a delala
Herkes yen mi wazen
Ez zaf rind û sepala
Mi vêng dawû bi naza
Ina hezar û se serra
Mi ser di qal û cenga
Kurdo bîye mi biwazi
Xwira ez serfîraza
Warzên xwi ser rind bonên
Gazî mekên neyaran
Nî tuapon ko xwir vînên
Sê vor hay ma ser di varên
Dujmen haw cuar û cîyerdo
Vêng na helan nisikîyen
Pûm sêr inî quçon
Ma ver di sêydê ma werd
***
BÎE BEND Û ZÎNCÎR
Bîe bend û zincîr ti yena girêdayis
Pê hîri vatona ti yena verdayis
Tu now asm sinî ma wegiruetî
Kam dirist kerd kay maya pirîdayis
Tu sinî xwidi ma virast
Ma bîe tu êr virazên însan
Zerdest û Mûsa, Teha û Îsa
Tu bindest verda yin kerd perîsan
Mi heq tu yin ra biguretayn
La pîyerû vîn nibên erd û azmîn di
Cegerxwîn herkes sê xwi von
Rast va Seyda paqis û wîjdon
***
PÎRÊ KUÊ
Ez oncîyaya sîya cuar, dêst hay kifton di sîya lez
Mi dî pîrek yina kuê ra her haw verdo kena lez
Amê nizdî ruêj mi xêr kerd û da mi zerre ra xem
Pîrek bî, puer sipî bî, çaqêy sîya bî, rî gewez
Ez eya pîr wes persaya, ey emê ti ha çara yena?
Va yena Sêrt ra, sina Bêrtî guênwîyê Romê ya ez
Xan û eywan kerdo wêran, cinî û camîyerd pîyerû kist
Mi va pîrê qey ti kurda, yey engistê xwi kerd gaz
Bêlka ma pê di gues bidû ma, vêng xwi zaf berz mek
Zaf tersena ez dêrdî sungîyê Romê teres
Mi va, axa, beg, mîr, sêx û malla, va lacê mi gues yina muek
Eyî sonê vêr mîyanê yin daw vêrg cuelê pes
Yow lac mi têyna est, mi wi sawit medresa
Yi yow di vatê qay maya vat pê warzina ser û ceng
Yi va dayê ma wanenî sinîg Cegerxwîn vat
Lez biwanên yowbîn vînên sûêrên Kurdîstan bi lez
***
EY KURDO NAMDAR
Ey kurdo ko ti namdarî, bin dêst neyaran di çi kesî ti?
Sê yow sêro girêdayî ti hay qêyd û qefes dî ti
Çond sêrrî bindestî neyaran rî fîxanan rîyesenî ti
Dem amo vêj meydan qay hend bîeveng û hesî ti
Ey kurd ti bizan cîhan her dem û dora
Serbestî û azadî bizan kotek û zuara
Zincîrê gerdên biskin lez vêj meydan
Ti hin meters past û bira lesker sûrû
Zuan Qecerîyan pel adawi tu ser di bi xurtî
Zencîrê Tataran zêndî tu girê da tu guretî
Se serra bi nezanî û hovitî ti eyi adir ra vîyêrtî
Hin siyarib sarmog tu rî ina sarri wiskê
Ey kurd ti bizan cîhan her dem û dora
Serbestî û azadî bizan kotek zuara
Zincîrê gerden biskin lez vêj meydan
Ti hin meters past û bira lesker sûrû
Çiman ak rind bon cira karwan biratî haw vîyerenû
Xem mekir çond ma torê yin dim qêrênî û querênî
Çerxê felek ha ver sena zuardar û guênwêr kerr û kuarî
Ruesnayê û tarîyê ruej sow zî yowbîn dim ra vîyerênî
Wendox zon ma yê delal, nî helbêst ‘ sîîr Cîgerxwîn yê cuarîn pî mi çond sêrr cuyaver kurmancî ra açarnay bî dimilî. Bayk mi Îsmaîl lac Hecî Resul Sarcanij serrê par 22. 07. 2020 di dinyayê xwi bedelnaya. Ez çond sêrro ha vîrardis û heyat pî xwi ser di xêftîyena, hêvî kena ko kitab yi ini payîz, him dimilî û him zî kurmancî di yen nesir kerdis. Ez ina kedê pî xwi yê cuarîn sima wendoxan rî pêskês kena û wesê, rindê qom û cîranan rî wazena.
Suphi Aydin