Serokê Gistî yê HAK-PARê Düzgün Kaplan bi komek hevalên xwe ve îro li Îslahiya Antepê bûn

Düzgün Kaplan û namzetên navçeyê bi gelê herêmê re hevpeyvîn kirin.

Esnaf hatin ziyaretkirin, li bazar, sûk û qehwexaneyan sohbet hatin kirin. Pirsgirêkên gelê herêmê hatin guhdarkirin. Gazin û daxwazên gelê herêmê derbarî ziyanên canî û ziyanên mezin ên erdhejê de hatin guhdarkirin, not hatin girtin û ji bo çareseriyê pêvajo hat destpêkirin.

Serok Kaplan li Islahiye bi endam û dilxwazên partiyê ra civinek li dar xist. Di civînê de lijneya hilbijartinê ku ji rêvebirên Îslahiye û endamên partiyê yên HAK-PARê pêk tê hat avakirin û kar û erk hat dayîn.

Lijneya Hilbijartinê ya HAK-PARê ya Îslahiyeyê ji Metîn Durdu, Îsmaîl Akdogan, Mehmet Ertugrul û Levent Coskun pêk dihat.

18 Adar 2023

Buroya Çapemeniyê ya HAK-PARê

Dengê Kurdistan