Serokê Gistî yê HAK-PARê Latif EPÖZDEMIR; SALA NU BI SER XÊRÊ BE

Gelê me yê azadîxwaz,     

Ez vê sala nû bi hestên dilînî li we û li hemu gelên astixwaz û azadîxwaz pîroz dikim.

Salake din jî,li dû me ma. Sala borî, bi gelek çetnayî û alozîyên welêt û herêma me derbas bû.
 
Di sala 2019’yan da jî, mixabin ku pirsgirekên sereke yên welêt bi sêwazek astîyane nehatin çareser kirin. Li ser navê çareserkirina pirsgireka Kurd, rêya ku herdu hêzên çekbidest dane ber xwe, ne rêyeke rasteqîn  bû. Sedema vê yekê asayî û emindarî li Kurdistanê zêde ne ajot, tundayetî û dijwarîyê heta dawîya vê salê jî her berdewam kir. Dewletê sêwazên ewlekarî û dijwar wek rêya çarelêkirina pirsgireka Kurd hilbijart.

Mixabin sazumana dijberîya Kurdan, li navçê bi hemû hewildanên xwe va berdewam kir.

Çar dewletên ku Kurdistan di nav xwe da parve kirine, bi pistgirîya hêzên emperyal, bi hevdengîyeke qaim pêsî li mafê çarenûsî yê gelê Kurd girtine. Îranê rojê kurde bi darve kir, hêrîsên leskerî anî ser rojhilatê Kurdistanê. Îraqê destûra xwe ya herî dawî jî binpê kir, xala 140 a destûra gistî  bi ci bi ci nanî. Turkîye  ji bê hiqûqîyên bakurê Kurdîstanê têr nebû, berê xwe da Rojavayê Kurdistanê û gelê Kurd derbeder û koçber kir, Kurdên Surîyê perîsan kir, ji axa bab û kalan derxist. Niha jî dewleta Turk dixwaze gund û bajarên Kurdan kavil bike, pasê miletên bîyaî bîne têxe sûn û warê Kurdên Sûrîyê û her wiha demografya û gelnasîna herêmê xera bike, Kurdên Surîyê heta hetayê bike penaber.

Mixabin ku îro li Rojava, gelê Kurd li benda maleke avadan, welatêkî azad bû, lê mala wan bi ser da hate xera kirin, welat bû gola xwînê û hêstirên çavê dayîkan. Kurdistan bû cîyê  ser û sewatê.

Me wekî Partîya Maf û Azadîyan her tim ragîhand, ku pirsgirekên navçê bi rêya ser û leskerî nayêne çareserkirin.  Ev rê, ne rêyeke rast e. Ev rê, malwêranî ye. Divê ser raweste û ev pêvçûn û tundayetî bisekine, serê li navçê biqede, çek dev ji pêsîra sîyaset û jîyanê beide. Lewra ku, ev serê kirêt û qirêj xesareke mezin dide gelê Kurd. 

Hevwelatîyên hêja,

Partîya me ji roja ewil heta îro, her tim anîye zimên: Ser û pevçûn û tûndayetî ne çare ye. Ser û xwinrêtin û sîn û girîn qedera Milletê Kurd nîne. Kesê ku welathiz bin gere nebin sedema kawil kirin û wêrankirina mal û welatê xwe. Lewra bi salane em dibêjîn: Divê PKK, li Turkîyê, dev ji çekan berde û bi rê û olax û sêwazên astîyane û demokratîk tevbigere. Her wiha dewlet jî dev jî sêwazên ewlekarî û leskerî berde û rêya guftugo û dyalogê veke, daku jîyan were ser hemdê xwe, gel, ji bin bandora tirs û xofan derkeve.

Her wekî tê zanîn di salên raborî da, li basûrê Kurdistanê ronahîyeke ges peyda bû, ku miletê Kurd bendewarê dewleteke serbixwe ma. Lê sazûmana dijraberê  Kurd mefer û mecal neda, ku Kurdistanek serbixwe ava bibe. Hikumeta Kurd a basurê Kurdistanê  bi gelpirsînek (referandum) serî li raya gelê Kurd da, ku bizane ka gelo miletê Kurd jîyaneke çawa dixwaze. Gelê Kurd ji seda  92 an zêdetir da xuya ku, ew dewleteke serbixwe dixwaze. Lewra hikumeta herêma Kurdistanê ‘serxwebun’ a Kurdistanê anî rojevê û di nav gel da da gengesî kirin, da ku bîr û rayek gelemperî peyda bibe û di dawîyê da dewleteke serbixwe were holê. Li himber van bûyer û  rûdanên herêmê, hîn hêz û rêxistinan dest bi bangesanên xirap û têkber kirin, dijayetîya Kurdistaneke serbixwe, ji bo xwe  kirin binyata siyaseta xwe.

Partîya me  HAKPAR, ji roja ewil û hetanî îro pistgirîya biryarên hikumeta herêma Kurdistanê kir û îro jî, em li ser vê yekê ne. Lazime gelê Kurd li hemu besên Kurdistanê mafê xwe yê avakirina dehatûyek azad hebe û bikaribe qedera xwe bi destê xwe va kivs bike. Eger îro, li basûr dewleteke serbixwe hewce ye, lazime hemû Kurd pistevanîya vê yekê bikin. Hesta welatperwerî wiha encam dide.

Careke din em bibîr tînin ku, astî û aramîya Rojhilata Navîn bi azadî û serxwebuna Kurdistanê va hatîye girêdan. Lewra ye ku , hetanî mafê Kurdan neyê nasîn;, di Rojhilata Navîn da aramî û astî û asayis bi cî bi cî nabe.

Divê bê gotina, kilît û zaminê serketina miletê Kurd yekîtîyek netewî û pak û zelal e. Heta ku miletê Kurd nebe yekrêz û yekhêz û yekhelwest û yekdeng, ne qabile ku mafên xwe yên kolektîf bidest bixe. Ji ber vê jî divê rêxistin û hêzên Kurdistanê rojek zutir li bernameyeke milli û demokratîk, li ser zemînekî sext û qaîm yekrêz bibin. Em hêvîdarin ku di rojên pês da, ev yeka pêk were. Em ê wekî HAK-PAR’ê bi hemû hêz û karîna xwe, bi hemû dilvînî û dilsozîya xwe va cehd bikin, da ku yekîtîyek miletperwer pêk were.

Xwisk û birayên birumet,
Her wekî ku tê zanîn roja dawî a salê, ji bo Kurdan rojeke gelek giringe. Ji ber ku ew roj, roja bîranîna sehîdên Kurdistanê ye. Em bi vê minasebetê sehîdên Kurdistanê bi sîyanet û hirmet yad dikin û li ber bîranîn û tekosîna wan a pîroz, rêz digrin.

Ez di sala taze da, hîvîdarim, ku ser û pevçûn biqedin, hevkarî û hevalbendîya di nav Kurdên welathiz da zêdetir bibe. Hemû gelên cîhanê, nemaze gelê Kurdistanê bigîhîje jîyaneke ast û serfiraz û azad û demokrat. 

Sala nû pêsî li miletê Kurdistanê û her wiha li hemû gelên cîhanê pîroz dikim, asti, azadî û wekhevîyê ji hemû gelên bindest yên cîhanê ra dixwazim. 31.12.2019

Latif EPÖZDEMIR 
Serokê Gistî yê Partîya Maf û Azadîyan / HAK-PAR

YENI YILDA DAHA ÖZGÜR, DAHA MUTLU YASAMAK IÇIN EL ELE VERELIM LATIF EPÖZDEMIR
HAK VE ÖZGÜRLÜKLER PARTISI /HAK-PAR
GENEL BASKANI