Sêyemîn Konferansa Neteweyî a Ciwanên Her Çar Parçeyên Kurdistanê destpêkir
Îro li kampa Domîz a Dihokê, bi besdarbûna zêdetir 250 endamên 76 sazî û rêxistinên ciwanên Kurd, Sêyemîn Konferansa Neteweyî a Ciwanên Her Çar Parçeyên Kurdistanê destpêkir. Konferans du roj dom bike.
Dengê Azad/Dihok
Sêyemîn Konferansa Neteweyî a Ciwanên Her Çar Parçeyên Kurdistanê ku îro li kampa Domîz a bajarê Dihokê destpêkir, Sekreterê Gistî yê Partiya Sosyalîst a Kurdistan-PSK Mesûd Tek, Endamê Deftera Siyasî a Partiya Demokrat a Kurdistana Îranê-PDKÎ Mihemed Nazif Qadirî, Nunerê PDKÎ a li Hewlêrê Mihemed Salih Qadirî, gelek endamên parlamentoya Herêma Kurdistanê, Nunerên Hikumeta Herêma Kurdistanê, Parêzgarê Dihokê, Berdevkê Polîtburoya Partiya Demokrat a Kurdistan-PDK Cefer Îbrahîm Emînkî û gelek nunerên partiyên siyasî yên her çar parçeyên Kurdistanê jî besdar bûn.
Konferans rêzgirtin bo yadî sehîdên Kurdistanê û xwendina sirûda netewî Ey Reqîp destpêkir.
Pistre peyama Serokê Herêma Kurdistanê Mesûd Barzanî ji aliyê Serokê Yekîtiya Lawan Kurdistanê Omîd Xosnav ve hate xwendin.
Mesûd Barzanî di peyama xwe de pîrozbahiyê bo ciwanên her çar parçeyên Kurdistanê kir û daxwaza serkeftina konferansê kir.
Pistî peyama Serokê Herêma Kurdistanê, peyama ciwanên Rojavayê Kurdistanê ji aliyê Ehmed Mihemed Emîn, peyama ciwanên Rojhilatê Kurdistanê ji aliyê Awateyî Qureysî, peyama ciwanên Bakurê Kurdistanê ji aliyê Ramazan Moray û peyama ciwanên Basûrê Kurdistanê jî ji aliyê Sêrzad Mame Babanî ve hate xwendin.
Agahiyên ku hatiye wergirtin di Sêyemîn Konferansa Ciwanên Her Çar Parçeyên Kurdistanê de ku du roj dom bike, babetên, guhertinên rojhilata navîn û tesîra soresa Rojavayê Kurdistanê li ser Kurd û Kurdistan, bîr û ramanên ciwanên Kurd li ser nebûna dewleta Kurd, pirsgirêkên ciwanên Kurd li her çar parçeyên Kurdistanê çiye û nêrîn û pêrspektîfa ciwanan li ser pirsa netewî, tesîra polîtîkaya dagirkeran li ser civata Kurd û bi taybetî li ser ciwanên Kurd û bîr û ramanên ciwanan li ser Kurdistan a mezin ya azad û kongreya netewî, bêne nîqas kirin.
Hêjayî gotinê ye ciwanên PSK, HAK-PAR, KOMCIWAN û ÇIRA jî besdarî vê konferansê dibin.
Dengê Kurdistan
