Nûçe

Sîyasetmedarê Kurd Hemid Kiliçaslan Jiyana Xwe Ji Dest da

Mixabin ku sîyasetmedar, rayedar û bîrewerê Kurd Hemîd Kiliçaslan (Hemîdê Simaîl Axa) jîyana xwe ji dest da. Kek Hemîd demeke dirêj bû ku li Enqerê tedawî didît.

Hamid Kiliçaslan, Li Qoserê, li gûndê xwe Dêrika Simaîlaxa berîya 40 rojan bi sewba covid-19 ketibû. Pêre li nexwesxaneya Qoserê tedawîya wî destpêkiribu pasî anîbûne Enqerê û nêzîkî mehek bu ku li nexwesxaneya bajêr a Enqereyê tedawî didîta. Hemîd Kiliçaslan, ji Coronayê necat bu lê mixabin ji xesarên mayendeyên Coronayê xelas nebû û heyf ku, do (26.11.2020) berê sibê jîyana xwe ji dest da.

Rayedarê welatpererê Kurd Hamit Kiliçaslan di sala 1948’an de li gundê Qoserê Dêrîka Simailaxa hatibû dinyayê. Xwendina sereta û a navîn li Qoserê qedand. Pasî di zankoya Enqerê besa Hiqûqê de dest bi xwendînê kir, lê mixabin ku ji ber kar û çalakîyên xweyên sîyasî ji zankoyê hate derxistin.

Rêzdar Hemîd Kiliçaslan, di dawîya sala 1960 û pêve wek sîyasetmedar kete nav karên sîyaseta Kurdewar a welatperwer û demokrat. Ew, yek ji damezrênerê DDKO yê jî bû, û di sala 1969’an de, di nav refên Partîya Demokrata Kurdistanê -Turkîya (PDK-T) de cîh girt.

Hêja Hemîd Kiliçaslan pistî kûdîtaya 12’ê Êlûnê derbasî Rojavayê Kurdistanê bu. Ji wê jî di sala 1983’an de çû Swêdê û bi malîtî li Swêdê cîwar bû. Hemîd Kiliçaslan babê 6 zarûyan bu.

Her wiha Hemîd Kiliçaslan wek berdevkê PDK-Bakûr dihate nasîn û endamê Gruba Kombenda Kurmancî bû ku vaye 30 sale li ser zar û zimanê Kurdî xebatê dike. Hemid Kiliçaslan çend salbû ku vegerîyabu Qosera Mêrdînê û li gundê xwe jîyana xwe derbas dikir.

Bêgûman wefata Hemîd Kiliçaslan ji bo tevgera azadîxwaz a Kurd xesareke pir mezin e. Em wek Partîya Maf û Azadîyan bi wefata Hemîd Kiliçaslan gelek xemgînin. Oxira wî a xêrê be.

Bila serê malbatê, hezkiryan, nas û dostan, hevkar û hevrêyan û hevalên tekosînê sax bî.

Bila serê miletê Kurd sax bî.

Rûhsad bî, mekan cennet bî, din av nûr û ronahîyê de razê. 27.11.2020
NIVSÎNGEHA RAGEYANDIN Û ÇAPEMENÎYÊ A
PARTÎYA MAF Û AZADÎYAN / HAK-PAR

Dengê Kurdistan

Back to top button