Stokholm, Kalmar û Upsala

Xwendevanên delal,
Hîn li Stokholmê me. Ji bo vê carê min ji xwe ra 20 roj veqetandibû, da ku wêsa xwe bistînim. Lê roj bi lez derbaz bûn û vaye bû 4ê Gulanê; du roj sunda vedigerim.
Dîsa jî di vê navberê da min bala xwe da bûyerên Tirkîyê û Kurdistanê û hin tist nivîsandin. Tevî hin hevalan çûm bajarê Kalmarê li basûrê Swêdê, her usa bajarê Upsala li tenist Stokholmê, li wir hin heval dîtin ku pistgiriya HAK-PAR’ê dikin, heya hin ji wan hatibûn welat û tevî kar xebata me ya hilbijartinê bûbûn.
Gelek ji wan, wek min di destpêka salên 1980’yî da, heya hinek ji wan berî wê hatibûn der welat. Hinek ji wan wek karker û mamoste xebitîne, hinan jî karê xwe avakirine, wekî restoran û tistê han disuxulînin. Lê agirê dilê wan di van salên dirêj da venemiriye. Çav û guhê wan li bûyerên welat e, li ser doza azadiya gel û welat difikirin, qise dikin û tistê ku ji dest wan tê dikin.
Van hevalan, di dema borî da li rêxistinên welatperwer ên cuda cuda da kar kirine, lê nuha li dora HAK-PARê civîyane. Di derheqa hin siyasetên sas, ku dewletê bi destê hin mirovên xirab û bêbext daye pês Kurdan bîr û raya wan gelek zelal e. Ew ne ji wan kesan in ku -çi rast çi sas- tim xwe didin alî xurtan, yan jî îrada xwe teslîmî kesên dinê kirine
Bi rastî, bi dîtin û sohbeta van hevalan kêfxwes bûm û cardin giham wê qeneetê ku ji bo bêhêvîbûnê sebep tune, Kurd ne raza ne, di gel gelek kesên bê bawerî, bê vîcdan û gufire, gelek jî mirovên hisyar, xwedî vîcdan û xwedî wîzyon hene. Sik tune, Gelê Kurd di saya wan da zû an dereng riya rast dê bibîne û xwe ji tofana van 20-30 selên dawî xilas bike.
Kulîlkên hêrûgan, berf û bihar
Piçek jî behsa av û hewaya Swêdê bikim
Dema hatim Stokholmê 16ê Nîsanê, ango li vir serê biharê bû. Darên piçûk li dorberê baxçeyan teze pel didan û ji darên mezin hîn deng tune bû. Lê du hefte derbaz bûn, dar û ber bi pel û kulîlkan xemilîn.
10-12 rojan hewa vekirî, ango bi roj û germ bû. Lê pistra bayekî sar û baran hat. Sibeha 1ê Gulanê berf barî!
32 sal berê dema teze hatibûm Swêde, hevalên ku berî min hatibûn digotin: ‘Me dîtîye di 1ê Gulanê da berf bariye.’
Ango, Gelek dereng be jî îsal ez jî sadê vî tistî bûm. Siêreke min heye ku min salan berê li ser berf û kulîlkên Swêdê nivîsandibû:
Li Bakûr bi kulîlkên hêrûgan tê bihar,
Mîna berfa sîs
Lê niskêva berf datê û erdê dadigire
Êdî ger dikarî ji hev cuda bike
Kîjan kulîlkên hêrûgan e, kîjan berf e!
Îsal, roja 1ê Gulanê ez, her usa jî rastî vê yekê hatim
4 Gulan, 2014 -Stokholm
Kemal Burkay