TEKOSERÊ DOZA AZADÎYA KURDISTANÊ IHSAN DURAK JÎYANA XWE WINDA KIR
Mixabin ku endamê desteya rêveber a Partîya Maf û Azadîyan / HAK-PAR, ewladê bawermend û dilsozê doza rizgarîya miletê Kurd Ihsan Durak çû ber dilovanîya xwe.
Em gelek xembar û xemgînin.
Ihsan Durak di sala 1951’an de li Farqînê hatibu dinyayê. Ji salan 70yan û virde di nav doza azadîya Kurdistanêde bu. Yek ji rênîsander û sêwirmendên doza Kurd û Kurdistanê bu. Ji roja ku tevgera rêya azadî û her wiha Partîya Sosyalista Kurdistana Turkîyê (PSK) hatibu saz kirin, Ihsan bi dil û can, wek nefereke gernas û wêrek û dilsoz di nav refên Rêya Azadî de cih girt û ji sazkirina HAK-PAR’ê û vir de jî, wek rayedar û rêveber di nav HAK-PARÊ’de xebitî. Ihsan endamê rêveberîya Weqfa Rêya Azadî jî bu.
Ihsan mirovek beserxwes, bêhinfireh û xwesbîn bu. Di van salê dawî de, tenduristîya wî, ne bas bu. Ev yek ji bo Covîd a kanbax jî bu hincet û boneyek. Mixabin ku Ihsan Durak hetanî îro ji gelek tengasî û çelemeyan bi serketî derbas bu, lê ne karî li himber Covîdê zêdetir li ber xwe bide. Ihsan vê carê berxwedanê winda kir, jîyana xwe ji dest da. Me tene hist û koçê dawî kir.
Em weki Partîya Maf û Azadîyan gelek xembarin.
Bê gûman doza azadîya Kurdistanê tekosereke xweyê din winda kir. Miletê Kurd ewladeke gelek hêja winda kir.
Em sipasdar û minetdarê Ihsan Durak’in ji bo ked û emeg û xizmet û dilsozîya Kek Ihsan a di rêya azadîya Kurdistanê de.
Miletê Kurd wê Ihsan tu carî jibîr neke.
Bila serê miletê Kurd sax bi.
Bila serê malbatê, hezkirî û dost û xizim û naskiryan; heval û hogiran sax bî.
Rûhsad bî, di nav nûr û ronahîyê de razê. 25.05.2021
Latif EPÖZDEMIR
Serokê Gistîyê Partîya Maf û Azadîyan / HAK-PAR’ê
Dengê Kurdistan
