TISTÊ KU NE HATIYE GOTIN Û NIVÎSÎN ÇI YE?

Andêra koronayê em di mal da hepis kirin. Lê ez dîsa jî ji bo stendina tistekî hewce, wek nan, fêkî, hêsinahî û xwarinên dinê, carina ji mal derdikevim. Herçiqas heval hogir dibêjin tu dernekev, çi lazim e emê bigrin, lê ez naxwazim kesekî biwestînim, wek her timî karê xwe bi deste xwe dikim.
Rojê carê jî diçim li parkê digerim. Berfa ku pêr hatibû çû, pel û kulîlkên teze man. Hewa dîsa xwes e, germ e. Park jî bêdeng e,hat û ço gor berê kêm e, xelk vekisiyaye mala xwe
Di mal da tenêbûn bi awayekî jî bas e. Ji bo merivekî nivîskar wek min, karê ku bê kirin têrî xwe heye. Pistî derketina Cildê 3’ya bîranînên min, nuha haziriya cildên 4 û 5 dikim. Dixwazim Cildê 4. vê payîza pês me derînim. Ya 5. jî bihara 2021’an Heger korona destûrê bide!..
Him jî di tenahîya malê da mirov dikare bixwîne, guhdariya muzîkê bike, li înternetê binere Ango bo her kesekî karek heye. Eger bi vana qayîl nebin, hûn dikarin ZIPO bixwînin, romana minî henekî û dîrokî!.. Bixwînin ku kêfa we bê.
Têlewîzyon jî heye helbet.. Lê bi raya min, zêde li TVê nenihêrin. Rojê bîs û çar saet behsa ev qotik û qarnasiya ‘korona û korona!..’
Berî korona pirsa Idlibê hebû ku em bêzar kiribûn. Nuha jî ev derdê koronayê Em ji bi sedan pisporên Idlibê xilas bûn, nuha jî ketin destê bi sedan pisporên koronayê
Belê, di tenahiya malê da tistê ku bikaribim bikim gelek in. Dikarim nivîsên teze jî binivîsim. Bendên siyasî, siêran, henekan Lê tistê ku ne hatiye nivîsandin ma ye?
Wekî li ser mesela ‘yekitiya Kurda’ binivîsim Lê xwe û xwe dibêjim: ‘Na heyran na, bilesewe xwe nevestîn! Tistê ku te ev 40-50 sal e kir, tistê ku te bi sedan, bi hezaran carî got û nivîsand, tê bîra kê?..’
Hin heval hogir bîle carina wekî ne xwendine, ne bihîstine! Hin kes ecêb in, îro dixwînin, sibe ji bîra dikin Wekî bayek tê tistên heyî dide ber xwe dibe
Bi sedan siêr ew e, hatine nivîsandin. Li ser hertistî; li ser siyasetê, li ser welat û gel, li ser dar û beran, kulîlkan, av û ax û ezman Dest bavêjime çi, siêrên wê, çarînên wê li ber destan e
Carina qet tistek nemîne, henek hene. Ango birayê we Cemalî dikare ji tistekî piçûk çîrokekî derxe ku hûn bixwînin û kêfa we bê. Ango Cemalî dikare ji libek tirî mehserekî çêke!
Lê Cemalî jî tistê ku li ser ne nivîsandiye hema hema ne maye.. Hinek nivîsên wî bûne kitêb, hinek jî dor ne hatiye, ne bûne.
Lê dîsa jî,wekî hûn dibînin, çawa sivanek dest davêje bilûra xwe, ez jî dest davêjim qelemê, dile xwe ji we heval-hogiran ra vedikim.
Di çarîneke min da usa tê gotin:
Tistê ku ne hatîye gotin û nivîsîn çi ye?
Dil ji sahî û xema jîyanê êdî têr bûye
Li dinyayê gerîm, pirL tist dît, bihîst, tam kir û jîm
Sêstî sal dirêj e, ji wê dirêjtir ji bo çi ye?.
Xuya ye, dema min ev çarîn nivîsand sêst salî bûm. Ji wê vir da 23 salên din derbaz bûn û min gelek tistên dine jî dît. Çawa min di çarînê da gotiye, tirsa min ji mirinê tune. Ev jiyana dirêj û tijî kar-xebat têrî min dike. Lê dîsa jî jiyan delal e û jê ne aciz im. Bi taybetî dixwazim derketina cildên 4 û 5 ê bîranînên xwe bibînim.
Her usa jî îro 21ê adarê ye, ango Newroz e. Newroza we pîroz be!
21 Adar 2020
Kemal Burkay