VALYERA GIJIKIN

Çiriyeyn aw
neynikê xwi di dar valyêr mûêtên ra.
Valyêr gijkinon gilçê xwi sutên aw di.
Kalmê xwiyo zit û vêsnayî fînayn valyerona
suwarî astûaron sûron vazdayn hêt ruêjabona!
Yow ray ra
sinîg yow milçik
bîyer kistis
peron xwi ra,
sûwarî birîndar lîr bi astûar xwi ser ra!
Nikerd qêrî wêrî yi,
venda embazon xwi nida,
têna pê hesron çimona onîya
nalê astûaron yê bêrqîyeyon a!
Ax çiqas gunekaw!
Heyf kî yen yi rî
wi hin nesken sêr pastê astûarona raqêld,
kalmi nisuxulnen wi hin mîyan cergon di!
Sûwarî, sûwarî wayêr astûaron sûron,
pêr astûaron yin sê hewayê!
Pêr astûaron yin sê gucalekê…
Astûar yin firdon.
Astûar yin…
Astûar…
Sê astûaron per gucalekinon vîyert emir!

Vêng awê ruê bî nerm.
Virsnê amê virsnon ser
rêng bî pisi.
Desmal sîey amê
çimon zengon ser
gilçê valyeron risîyay
gijîk yi yo kêj
ser!

Meberm dara valyer
ti meberm,
neynikê awa sîey di deston gire me di,
meberm.

Wendox zon ma yê delal, na ray zî helbesta cuarîn yê Nazim Hîkmêt qay wendisa sima rî nesir kena. Her kes zon xwi ra hes ken û êz zî yê zazakî û kurmancî ra hes kena. Zazakî zon mayê mino û kurmancî zî yê dapîrê mino. Mi hotay helbestê Nazim Hîkmêt açarnaya kurmancî û zazakî ser, wazena yin sê yow kitab helbeston nesir bîk. La hema mecalê nesirkerdis mi dest nikota. Ina semed ra ez sima rî ray ray inî helbeston bi zazakî û kurmancî nesir kena. Hêvî kena ko sima ina kedê mi ra eciz nîyêb û yin pê kêyfa biwan. Heyonê rayna wes û war bimanên.

Suphi Aydin