WI
Yers bi wi yow ruej
Wisar
Amnon
Payiz
Zimiston ra
Yers bi wi herçî ra
Dewon
Sûkon
Bajaron
Dengizon
Welaton ra!
Na dinya ra yers bi wi
Nîe embaz
Nîe kar û guri
Nîe zî peri û pul yi rî nibên xem
Têyna yow xeyalê yi bî
Heskerdis û azad bîyayis!
Xû kerd yi tim zulimon ra
Çay sarrê xwi nizm nikerd yi verbo zuardaron
Çi dest ra amê texsîr nikerd, xêftîya..
Nîe welat yi bi azad û nîe zî hesrêt zerrê yi ami ca!
La sow û ruej wi honc kot heskerdison dima
Sê qîrr duseya gironê yi ya
Û xwi dima tim çarnena
Heskerdis!
Ray esta qefilîyen wi
Ray ray zî zerrê yi bena sa
Axir sow û ruej kar û gurê yi
Azadî, serfîrazê û cîranê bî
Ma vaj yi emir xwi di oter vîyarna
Rayêr azad bîyayis welat û heskerdis dima
Zerrê xwi yi teng nikerd ruêjek çoy ra
Puesmon nû wi ni kar û gurê xwi ra
Tim hes kerd yi çimon zelalon ra
Sinîg ma vaj sowa pê tim ruej vêjîyên
Oter vîyarna yi emir xwi pê heskerdisona
Barê yi na dinya di bindestê û nezanê bî
Bîe xwiverdayis û sarri berzkerdis yi rî teway nimend!
Axir pênîd emir yi teq û req di vîyert si
La çoy fahm nikerd ko adir zerrê yi bû belay sarrê yi!
Suphi Aydin