Xalid Xoce çû dilovanîya xwe

Têkoserê azadiyê, welatparêzê rûmet bilind Xalid Xoce îro (13.04.2016) li Stockholmê wefat kir. Li ser daxwaza Xalid Xoce (Ramazan Basdas) malbata wî dê cenazê wî bibin li Mêrdînê binax bikin.

Xalid Xoce, yek ji wan welatparêzên Kurdistanê ye ku ji salên xortaniyê heta roja mirinê bi camêrî , bi hemû hêz û hebûna xwe di nav xebat û têkosîna welatparêzîyê de cî girtîye.

Xalid Xoce, li Swêdê di nav derdorên welatparêz da kesekî gelek hezkirî û rûmet bilind bû. Di rêvebirina rêxistin û dezgehên kurdî de, di her çalakî û xebatên wan de besdarî dikir û pistgirîya wan dikir. Xalid Xoce, di PSK, KOMKAR-Swêd û Federasyona Kurdan de endamekî zîrek, kesekî sêwirdar û hezkirî bû. Ew endamê komîteya rêvebir a KOMKAR-Swêdê û damezrêner û rêvebirekî Komîteya Pistgirîya HAK-PARê bû.

Bi mirina Xalid Xoce, Gelê Kurd ewladekî xwe yê hêja winda kir. Em ji malbata wî re, ji heval û hogirên wî û ji Gelê Kurd re sersaxîyê dixwazin.

Dengê Kurdistan

…………

AGADARÎ:

Em ê di nêzîk de derbarî dem û cîhê tazîyê de agadarî bidin.

Ji bo agadarî û pêwendî:

Sorgul: 073 751 90 86

Haluk Özturk: 0761293282

Dengê Kurdistan