Nivîsar

Zon ke çînî bo

Bira, wayê, heval, xo mexapne, zon ke çînî bo, ti qedîna

Zon ke biqedîyo, rengê xo, vengê to vîndî beno

Merdena to bê veng bena, kamîya to poyîna

Asmen gineno serrê to ra, ti bena kenger

Ne to nas kenê, ne qimetê to nênameno

Zon, welat o, zon kamîya to ya, ti bi zonê xo, ya esta, ya çîn a

Zon ke çînî bo, emegê to, ruhê to, rastîya to qedîno

Pepug to ra waneno, bêzar beno, sono

Koyî, sên û sênatîye, to ra hêrs benê

Sebir qedîno, sodir qedîno, dem û dewranê to qedîno

Rastîya to vîndî bena, roja to tarî bena

Tijê to ra nêbirqîna, sew û asmê to qedînê

Qelemî to nênusnenê, kitabî qalê to nêkenê

Tarix, to ra heredîno, awa çeman bê kamîya to ra herekînê

Zon ke çînî bo..

Zon ke çînî bo, ti bena qedayê înkarî

Sarî to ser o kay kenê, ti bena cayê kayê înan

Mar û milawînî, teyr û tukî, seher û sukî to nêzanenê

Na Dinya de cayê to nêbeno, zon ke çînî bo

Zon ke çînî bo, ti risîna

Bira, wayê, heval, xo mexapne, zon ke çînî bo ti qedîna

Ilhami Sertkaya

Balkêş e ?
Close
Back to top button