BIQÊR KUSÊ
Ti xêr ameya ina dunya kusê!
Fêk xwe ak û biqêr…
929 di welat Hoover di ameyis ina dunya sê yow tofan hesibîyen…
Eger ma ra:
‘ sima ina kus wastên? ‘ bipersayn,
ma,
cewab dayn bîezûr
– Nîe – …
Gurmikon xwi yê nermikon pîtik
û hîna berz biqêr…
Ti
ma pîlon ra
hîna aqila kusê!
Helag ti bena vêson
ço nesken vêng tu bibirn
hetonîg ti mird nîyêb…
Çim tu yê gird û terîk
persên sima kam?
Pî tu sê yow xizmetkaro
wi kedê deston xwi ruesen,
ti gon pî xwi ra zaf ver suêr…
Û sibay…
Helag ez bimir
vilîk pencar sel erzên
tirbê mi ser di…
Nîewazena ti rîyeçê mi ra suêr.
Ez
tu ra hîna zaf versîyayis wazena…
Pastê xwi inî welat a gire medi.
Gunê tu nû ko
ti ini welat di ameya dunya…
Eyîg nakê pîzê tu birnaya wi zî bîeguno. Mi yi rayêr ser di nidî.
Krîstof Kolomb cakerd yi.
Û cuya pê
yin wi est hepson
zîndanan di merd wi…
Hîna berz biqêr kusê!
Giron ‘ giron bisip çijê daykê xwi û girdib. Têyna yow çî xwi vîra mêk:
Ti yow rencber a
………………………………………..
Û eyî merdim ko dêst yin nermîk
seben wa bibo
pastê xwi yina gire
medi. .
………………………………
Wendox zon ma yê delal, ina ray zî semêd wendisa sima rî helbesta cuarîn yê Nazim Hîkmêt ko mi açarnaya zazakî ser nesir kena. Heyanê rayna wes û war bimanên.
Suphi Aydin