|
Demekê berî niha serokê kevn ê belediya Istenbolê
Bedrettin Dalan di hevpeyvinekê de ji Nuriye Akman re gotibû
ku zimanê kurdî tenê 600 kelîme ye. Ser vê yekê Akmanê bi
Kemal Burkay re ser zimanê kurdî hevpeyvînek çêkiribû.
(Ji bo xwendina wê hevpeyvînê
li vir bitikîne!) Van rojan dîsa di hevpeyvînekê
de Bedrettin Dalanê ku bi eslê xwe kurd lê xwe wek tirkekî
qebûl dike û serda jî hebûna zimanê kurdî înkar dike,
wî bicûk dibîne. Dalan bi îddayên xwe zir-nezaniya xwe
dide dest. Serokê HAK-PARê Abdulmelik Firat û nivîskar Yaþar
Kemal û gelek kesên din derew û nezaniya Dalan eþkere dikin.
Dalan dibêje "Bila Kemal Burkay û Yaþar
Kemal romaneke kurdî bi 30 000 peyvî binivîsînin ez ê çap
bikim, lê zimanê kurdî bi qasî tilîya qilîçê biçûk e."
Ser vê îddîaya Dalan, rojnamevanê rojnameya Zaman Habib Guler
raya Abdulmelik Firat û hin ronakbîrên din ên kurd pirs kir
(18 Gulanê 2003) û rojnameya Hurriyetê jî raya Yaþar
Kemal ya li ser îddîayên Dalan jê pirs kir û belav
kir.(20 Gulanê 2003)
Abdulmelîk Firat dibêje êdî dewletê jî
dev ji îddayên weha berdaye lê yên wek Dalan hêjî didomînin.
Ew, eger li ser siyasetê qise bike belkî dibe lê bi xwe dervayî
zimanê tirkî tu zimanekî din nizane, çawa dikare li ser zimanê
kurdî qise bike? Wek nalbendek bixwaze doktoriya çavan bike..
Abdulmelîk Firat, ser gotina Dalan ku dibêje ew mirovên
hev in, wî derewîn derdixinîne dibêje tu mirovatiya
min bi wî re tune.
Melîk Firat dibêje "Zimanê kurdî
%50 ji zimanê tirkî dewlemendtir e. Li Tirkîyê
yên ku derheq zimanê kurdî de tiþtekî
nizanin îddîayên çewt û derewîn
dikin."
Yaþar Kemal jî dibêje "Ez fehm nakim
yekî ku edebiyatê nizane çawa dikare di vî warî de îdiayan
bike?
Zimanê îngîlîzî tê qebûlkirin wek yek ji zimanên here dewlemend
ê dinyayê, û Shakespeare jî wek nivîskarekî herî mezin, lê
zanyar dibêjin ku wî ji 10 000î zêdetir peyv bi kar neanîne
di berhemên xwe de. Ez wisa bawer dikim haya Dalan ji vê jî
tune. Hîç nivîskarek tune li ser rûyê erdê ku bi 30 000 kelîmeyî
roman nivîsandiye.
Zimanê kurdî dewlemend e. Ne wek zanîna
wî zimanekî bicûk e. Dibêje bila Yaþar
Kemal romaneke bi 30 hezar kelîmeyî binivîsîne.
Romanên ku ez bi tirkî dinivîsînim
ji 5 hezar kelîmeyî derbas nabin."
|
