KOMKAR: Heqê perwerdeyî seba ziwanê kurdkî
Edî Roja Zîwanê Dayike de, vêsêrîya miletê kurdî, heqê perwerdeyî ya bi zîwanê kurdkî ra bêpar o.
Se ke zanîno, 21. Gucige hetê UNESCO ra seranserê cîhanî de fênda Roja Ziwanê Dayike êno fîrazkerdene û heqê perwerdeyî, qadê mîyanneteweyî de zê heqêde rewayî amo pezîrnayene.
Hama ziwanê kurdkî ‘bi taybetî ziwanê kirmanckî/zazakî- ke ziwanêde qedîm yê sarê 40 mîlîyonî yo, edi binê talokeyê merdene û nêmendene der o.
Dewletanê ke welatê ma kerdo parçe, ra û olaxe nêdanê ke ziwanê kurdkî ravê sêro. Qedexe û asîmîlsyon ziwanê kurdkî ser ro her berdewam o. Gulirê (nufis) miletê kurdan edi Vakûrê Kurdistanî û Tirkîye de 25 mîlîyonî ra zêdeyêrî yo. Herçiqas Tirkîye de seranê peyênan de gamên fênda rakerdena kanalêde kurdkî û unîvesîteyan de rakerdena besanê kurdkî amê estene kî, la kurdî heqanê xo yê rewayî ra bêpar ê. Edi Surîye û Îranî de kî kurdkî binê taloke der o û îmkane nêvîneno ke rewsêde serbest û azad de biroyîyo û ravê sêro.
Her henî kurdî Almanya de kî bi sêweyêde fermî fênda miletî nêênê naskerdene. Kurdên Almanya fênda ereb, faris û tirkan ênê bi namekerdene. Naye ra kî, ziwanê kurdkî kî fênda ziwananê bînan îmkananê gurbîyene û ravêsîyene dest nêfîno.
– Ganî ziwanê kurdkî zê Îraqî, Tirkîye de, Îran û Surîye de kî bibo ziwano fermî. Kurdî, ganî meketebo verên ra heyanî unîversîteyan wayîrê heqê perwerdeyî ya bi ziwanê kurdkî bê.
– Ganî kurdî Almanya de û her henî seranserê Awrûpa de fênda miletî biêrê naskerdene û wayîrê pêro heqanê xo yê rewa bê.
– Ganî dezgeh û sazîyên mîyanneteweyî na bare de çi ke destebere ra êno biyarê ca,ta ke ziwanê kurdkî kî fênda ziwananê bînan dinya de bicuyîyo.
Her henî ha welat de ha teberê welatî de, ma veng fîme re mulxit, ma û pîyan: Domananê xo de bi kurdkî qese bikerê, înan bimûsnê ziwanê kurdkî. Seba ke fênda vatena Celaded Bedirxanî: Miletên bindestî estbîyena xo serdestanê xo ra bi di çîyan, bi quweta di çekan seveknenê: Dîn yew, ziwan dide. La eke dînê miletanê serdestî û bindestî yew bo, o taw yew çeke manena, a kî ziwan o.’
KOMKAR e.V
Dengê Kurdistan
