Nûçe

Kurdên Danîmarka dest bi kampanya ji bo pistgirîya penaberên Kobanê kir

Federasyona Komeleyên Kurd li Danîmarka (FKKD) bi hevkariya Hêzên Kurd ên Siyasî li Danîmarka bangî hevwelatiyên kurd û dost û xêrxwazên kurdan dike ku pistgirîyê bidin kampanyayê. Di vê kampanyayê de rêzek çalakî yên cuda hene. Agahdarîyên Federasyona Kurdan derbarî kampanyayê de wek li jêrê ye:

Pistgirîya Kobanê bike – Kobanê pêwistî alîkarîyê ye

Wek ku tê zanîn ev demeke ku rêxistina terorîst a bi navê DAIS’ê berê xwe daye Kurdistanê û li dijî kurdan êrîsan pêk tînê. Pêsî li Basûrê Kurdistanê dest bi êrîsên xwe ên hovane kir û Kurdên Êzîdî li herêma Singalê ji xwe re kir armanc û ew di komkujîyan re derbas kir. Ji bilî wê bi hezaran keç û jinên Êzîdî êsîr kirin û heta niha jî kes çarenûsa wan nizanê. Li hêla din bi sedhezaran Êzîdî ji cih û warên xwe koçber bûn û niha di welatê xwe de bûne pênaber. Îro pêsemerge li gel welatên hevpeyman serê van har û hovan dikin û her roj derbeyên giran li wan dixin û wan ji Kurdistanê dûr dikin.

Di vê navberê de DAIS’ê serê xwe li Rojavayê Kurdistanê gur kir û bi çekên giran dest bi êrîsên li dijî herêma Kobanê kirin. Heta niha gelek gundên kurdan ketine destên wan û ev zêdeyî sê heftîyaye jî ku bajarê Kobanê dorpêç kirine. Ew bi çekên giran êrîsan dikin û hewl didin ku dest deynin ser Kobanê, lê heta vê gavê jî servanên kurd berxwedana xwe dikin û ser hê jî berdewame.

Di encama van êrîsan de heta niha zêdeyî 180 hezar kurdên herêma Kobanê dev ji cih û warên xwe berdan û derbasî Bakurê Kurdistanê bûn. Di destpêkê de Dewleta Tirkîyê nexwest ku rê li ber koçberan vekê û ew bi rojan li ser sînor asê histin. Heta vê gavê jî bi hezaran kurd hê li alîyê sînorê Rojavayê Kurdistanê mane asê û Tirkiye destûrê nadê ku ew derbasî Bakur bibin.

Li hêla din jî Dewleta Tirkîyê tank û topên xwe li ser sînor danîne û bêyî ku tistekî bikê ji xwe re li serê di navbera DAIS’ê û servanên kurd temase dikê.

Bi alîkarîya Serokê Herama Kurdistanê Birêz Mesud Berzanî dewletên hevpeyman dest bi bombebarankirina binkeyên DAIS’ê li Kobanê û derdora Kobanê jî kirin û hê jî dikin, lê Amerîka jî êdî gihaye wê bahwerîyê ku êdî bombebarankirin jî têrê nakê. Niha DAIS êdî ketîye nava Kobanê û heger ku di demek gelekî kin de çareserîyek ji pêsketina DAIS re neyê dîtin, ango Civaka Navnetewî li dijî DAIS’ê cês jî nekê dewrê, metirsîyeke mezin heye ku DAIS li Kobanê jî komkujîyeke mezin bînê serê kurdan.

Di vê derbarê de Komela Kultûrî a Kurdên Sûrîyê bi pistgirîya Federesyana Komelên Kurd li Danîmark (FKKD) û Encûmena Nîstimanî a Kurd li Sûrîyê (ENKS) di roja 03.10.2014’an de li ber parlamentoya Danîmark xwepêsandanek lidarxist û pistgirîya xwe ji bo Kobanê da nîsandan.

Niha jî ku rews li Kobanê gelekî aloz bûye û bi dehhazaran kurd jî koçberî Bakurê Kurdistanê bûne, me wek Federesyona Komelên Kurd li Danîmark (FKKD) biryar daye ku dest bi hin çalakîyan ji bo Kobanê bikin. Çalakîyên ku me dane pêsîya xwe evin:

1. Ji bo pistgirîya Kobanê wê sevek bê çêkirin. Bilêt li gel xwarin û vexwarinê 200 Kr. Bileta zarokan heta bi temen 12 salan 70 kr. (ji bo xwarin û vexwarinê). Bilet li ser internetê têne firotin û herwesa li ber derîyê salonê jî mecalê kirîna biletan heye. Ji kereme xwe re heqê bilêtên xwe bisînin ser vê kontoyê:

Jyske Bank: Regnr.: 5021 Kontonr.: 1506303

Navnîsan: Laila Selskabslokaler, Torveporten 8, 2500 Valby
Dem: 26.10.2014, kat 17.00 – 22.00

2. Federasyona Komelên Kurd li Danmark û Komela Roja Sor li Odense bi hev re kampanya berhevkirina cil û bergên germ ji bo zivistanê, lihêf, batanîye, pêlav û leyîztokên zarokan destpêkirîye. Bi kerema xwe kes û karên xwe, heval û hogirên xwe li ser vê kampanyê agahdar bikin. Kampanya heta dawîya meha 10 berdewame.

Me çadirek li parka Laila Selskabslokaler; Torveporten 8, 2500 Valby danîye. Rojên dusem, sêsem, çarsem û pêncsemê, ji seat 12.00 ‘ 17.00 li ber çadirê kes hene ku pêswazîya we bikin.

3. Ji bilî vê yekê jî me dest bi alîkarîya madî jî kirîye. Kesê ku bixwazê alîkarîya koçberên Rojavayê Kurdistanê bikê, dikarê alîkarîya xwe bisînê ser vê kontoyê:

Jyske Bank Reg: 5021 konto: 1506303

Kurdistanîyên hêja, gelê me îro di xeterîyeke mezin de derbas dibê û pêwistî bi alîkarîyê heye. Koçberên ji Kobanê li cade û kolanan dimînin. Zarok, pîr û kal nexwes û bê malin. Zivistan jî vaye nêzîk dibê. Destê alîkarîyê dirêjî xwîsk û birayên xwe bike. Bila hêvîya wan a ji bo jîyaneke bi rûmet nefetise.

Ji kereme xwe re derdorên xwe û nas û dostên xwe bi van çalakîyên me agahdar bikin. Em ji niha de spasîya we dikin û li benda pistgirîya we ne.

Hun dikarin pêwendîyê li gel van kesan deynin:

Adnan Axacan: 28 58 28 33

Yilmaz Yildiz: 30 22 52 97

Welid Akreyi: 31 31 64 63

Ciwan (Bavê Mizgîn): 29 36 78 81

Evin Hitou: 28 12 88 59

Bahzad Shamsany: 30 11 56 81

Federesyona Komelên Kurd li Danîmark (FKKD)
Bi pistgirîya Hêzên Sîyasî ên Kurd li Danîmark

12.10.2014
Skfd08@gmail.com

Dengê Kurdistan

Back to top button