PSK: Divê Kurdî Li Kurdistana Bakur Bibe Zimanê Fermî
Ziman yek ji girîngtirin unsur e, ku penaseyê her netewe destnisan dike.
Mirina her zimanek mirina çandek e, mirina neteweyek e.
Bona vê yekê jî karbidestên dewleta Tirk ji damezrandina vê komarê heya îro, bi hemu hêzên xwe ve hewl dane, ku zimanê Kurdî aloz û lawaz bikin; bidine ji bîr kirinê, daku penaseyê neteweyîya Kurd biheriminin, gelê me asîmîle bikin, ku ev yêka hanê xewna sedsalî ya dagirkerên Kurdistana Bakur e.
Lê belê gelê Kurd bi gistî, welatparêzên Kurd, dengbejên me, nivîskar û ronakbîrên dilsozan bi taybetî, li hember hemu zordariya dewleta dagirkera Tirk berxwe dane, zimanê Kurdî parastine, nehistine, ku neyarên zimanê Kurdî bigijine mirazê xwe.
Rast e, îro qanaleka televîzyonê ya dewletê bi navê TRT-Kurdî heye, di hînek zanîngehan da enstîtut û sazî bo zimanê Kurdî hatiye damezrandin, hinek dibistanan da perwerde bi zimanê Kurdî têne kirin û zordarî li ser zimanê Kurdî wekî berê ne maye. Be guman ev yêka hanê bas e û divê em pistgîriya her gavê bikin, ku di vî warê da têne avêtîn.
Lê belê divê nayê ji bîr kirinê, ku piska sêr di vê pêsveçûnê da berxwedana gelê Kurd e, yê daykên Kurd e, dengbêjên me ye, ronakbîr û nivîskarên tekoser e.
Û her usa divê ji bîr nekin, ku hesta bi kar anîna zimanê Kurdî di dezgeyên dewletê da qedexe ye.
Ji bona vê yekê daxwaza ‘dîvê zimanê Kurdî di Kurdistanê da bibe zimanê resmî û ya perwerdeyî’ daxwazeka rewa ye.
Werîn em di ’21 Sîbatê Roja Zimanê Zikmakî’ da daxwaza hanê bilind bikin.
Em bi boneya ’21 Sîbatê Roja Zimanê Zikmakî’, carekî dinê banga hemu hêzên sîyasî û welatparêz, sazî û komelên civakî, ronakbîr, hunermend û nîvîskar dikin, ku ji bona parastina zîmanê Kurdî û ji bona ku Kurdî di welatê me da bîbe zimanê fermî, destê xwe bidine hevdu û bi hevra kar û xebatê bikin.
20 Sibat 2015
Partiya Sosyalîst a Kurdistan-PSK
Dengê Kurdistan
